طالب جوہری

طالب جوہری
دوسرے نام	علامہ طالب جوہری
ذاتی معلومات
پیدائش	1929 ء، 1307 ش، 1347 ق
یوم پیدائش	27 اگست
پیدائش کی جگہ	شہر پٹنہ بھارت
یوم وفات	22 جون ء
وفات کی جگہ	کراچی
اساتذہ	آیت اللہ شہید باقر الصدر، آیت اللہ العظمی سید علی سیستانی
مذہب	اسلام، شیعہ

طالب جوہری(27 اگست 1929 - 22 جون 2020) پاکستان کے ایک مسلم اسکالر، شاعر، مؤرخ اور شیعہ فلسفی اور اتحاد بین المسلمین کے بہت بڑے داعی تھے تھے۔

ابتدائی زندگی اور تعلیم

طالب جوہری 27 اگست 1929 ء کو بھارت کی ریاست بہار کے شہر پٹنہ میں پیدا ہوئے۔ ابتدائی تعلیم اپنے والد سے حاصل کی اور اعلی مذہبی تعلیم کے لیے 1952ء میں نجف اشرف عراق چلے گئے۔ وہاں آیت اللہ العظمی سید ابو القاسم الخوئی کے زیر انتظام حوزہ میں داخلہ لیا۔ طالب جوہری آیت اللہ شہید باقر الصدر کے شاگرد رہے۔ وہ آیت اللہ العظمی سید علی سیستانی کے ہم جماعت تھے۔ علامہ ذیشان حیدر جوادی بھی نجف میں ان کے ہم درس رہے۔

پ کے معاصرین اور ھم کلاسیوں میں علامہ ذیشان حیدر جوادی رح علامہ سید صادق علي مرحوم ودیگران قابل ذکر ہیں. نجف کے دوران تحصیل کے متعدد واقعات قبلہ مرحوم اپنی نجی محفلوں میں بیان فرمایا کرتے تھے ان شاءاللہ ان واقعات اور علامہ کی علمی زندگی کے دیگر زاویوں سے ھم بعد میں گفتگو کریں گے.

نجف سے واپسی پر اپنے اساتذہ سے متعدد اجازہ روایت واجتھاد حاصل کیے جو آج تک در مکنون کی طرح محفوظ ہیں. قبلہ صاحب چونکہ بندہ پر بہت مھربان تھے۔ جہاں پر اپنے کتابخانہ سے قدیم نوادرات کے علاوہ بہت ہی عديم المثال مخطوطات کی عکس برداری کی اجازت فرمائی.

اسی دوران جب موضوع اجازات علماء چھڑ گیا قبلہ نے کہا کہ إجازات تو ہمارے پاس ہیں لیکن انہیں دنیا والوں کو دیکھانے کی ضرورت محسوس نہیں کی. بندہ حقیر نے ان إجازات کی زیارت کا تقاضا کیا اس وقت قبلہ کے محضر میں میرے علاوہ میرے مھربان دوست حجت الاسلام و المسلمین قبلہ محمد رضا داودانی اور قبلہ مولانا مھدی رضا ایمانی دامت برکتھما تشریف فرما تھے.

ھم نے ان إجازات کو پڑھا اور جب انہیں نشر کرنے کی بات ہوئی تو علامہ صاحب نے اس کی اجازت نہیں دی. زینت منبر حضرت علامہ سالھا سال تک پاکستان کے سرکاری ٹی وی پر بطور خطیب واقعہ کربلا مجالس ’شامِ غریباں‘ پڑھا کرتے تھے۔ وہ اپنے مخصوص انداز خطابت کی وجہ سے پاکستان سمیت دیگر ممالک میں بھی بہت معروف تھے۔

علامہ مرحوم کو خطابت کے دوران اپنے موضوع پر کامل تسلط ہونے کے ساتھ ساتھ قرآن آیات اور انکی تفسیر پر ایسا عبور تھا کہ ایک ایک آیت سے متعدد موضوعات پیش کرتے اور عموماً اپنے موقف کے حق میں ان آیات قرآنی سے دلیل وبرھان پیش فرماتے اور ان سے علم کلام و مناظرہ کے ایسے نکات پیش کرتے کہ جنہیں سن کر اپنے اور پرائے سب ہی داد تحسین دینے پر مجبور ہو تے

1975 سے آپ نے کراچی کے عشرہ نشتر پارک سے باقاعدہ طور پر پر خطاب فرمانا شروع کیا اور پھر دسیوں سال تک یہ سلسلہ متواتر جاری رہا کراچی میں نشتر پارک. شاہ خراسان. حسینہ ایرانیان. مارٹن روڈ. انچولی خیرا لعمل وغيرہ کے علاوہ پورے پاکستان اور بیرون ممالک میں آپ خطاب کر چکے ہیں.

اولاد

اولاد قبلہ کی اولاد ذکور واناث میں سے تین فرزندان نے منبر کے ذریعہ تبیلغ دین مبین کی خدمات انجام دے رہے ہیں

• جناب اسد جوھری
• جناب امجد جوھری
• اور جناب ریاض جوھری

خداوند کریم انکو علم و عمل سے آراستہ اور دین مبین اسلام و مکتب اہل بیت علیهم کی ترویج و تبلیغ کی توفیق عطا فرمائے۔

خدمات

طالب جوہری اتحاد بین المسلمین کے بہت بڑے داعی تھے۔ انھوں نے ہمیشہ نسلی اور فرقہ ورانہ ہم آہنگی پر زور دیا۔ان کے خطبات کا موضوع احکام اللہ کی پیروی، اتباع سنت رسول اور حب اہل بیت ہوا کرتا تھا۔ انھیں شیعہ اور سُنی مسالک میں ایک جیسا باوقار مقام حاصل رہا ہر دو انھیں عزت و احترام کی نگاہ سے دیکھتے اور ان کی تقاریر و تحاریر سے استفادہ کرتے ہیں۔

آثار

تفسیر القرآن

• احسن الحدیث (قرآنی تفسیر)
• مقاتل
• حدیث کربلا

مذہب

• ذکر معصوم
• نظام حیاتِ انسانی
• خلفائے اثناء عشر
• علامات ظہور مہدی
• مجالس جوہری

فلسفہ

عقلیات معاصر (2005)

شاعری

• حرف نمو ( اردو شاعری )
• پس آفاق (اردو شاعری)
• شاخ صدا (اردو شاعری / غزلیں، نظمیں اور قصائد )
• شعریات (چند مرتبین)
• شعری افق علامہ طالب جوہری (شمیم روش)

وفات

طالب جوہری 10 جون 2020ء سے ایک نجی اسپتال میں زیر علاج تھے۔بتایا جاتا ہے کہ وہ عارضہ قلب میں مبتلا تھے اور انھیں انتہائی نگہداشت کے شعبے میں رکھا گیا تھا۔ سوموار 21'جون 2020ء کو 91 سال کی عمر میں ان کا انتقال ہو گیا۔

علامہ طالب جوہری کی رحلت پر آیۃ اللہ العظمیٰ حافظ بشیر حسین نجفی کا تعزیتی بیان

مرکزی دفترحضرت آیۃ اللہ العظمیٰ الحاج حافظ بشیر حسین نجفی نجف اشرف عراق کا عالمی شہرت یافتہ خطیبِ اہلبیتؑ حجۃ الاسلام والمسلمین علامہ طالب جوہری النجفی (قدہ) کی وفات پر تعزیتی بیان۔ حوزہ نیوز ایجنسی کی رپورٹ کے مطابق،مرکزی دفترحضرت آیۃ اللہ حافظ بشیر حسین نجفی ظلہ الوارف دام نجف اشرف عراق کا عالمی شہرت یافتہ خطیبِ اہلبیتؑ حجۃ الاسلام والمسلمین علامہ طالب جوہری النجفی (قدہ) کی وفات پر تعزیتی بیان جاری کرتے ہوئے کہا،مرحوم کی خدمات عیاں اور روشن ہیں اور انکی عظمت واضح، بروز قیامت خدمت امام حسین(ع) کا تاج انکی زینت ہوگا اور وہ اپنے مجلس کے سامعین کے ہمراہ جنت کے دروازے پر ہونگے۔

علامہ طالب جوہری کے انتقال پر پاکستان کے مذھبی راھنماوں کا اظھار غم

سرزمین پاکستان کے دینی رھنماوں اپنے الگ الگ تعزیتی پیغامات میں کہا: علامہ طالب جوہری کی دینی، قومی اور علمی خدمات تا دیر یاد رکھی جائیں گی ۔ رسا نیوز ایجنسی کے رپورٹر کی رپورٹ کے مطابق، علامہ طالب جوہری کے انتقال پر پاکستان کے مذھبی راھنماوں نے غم کا اظھار کرتے ہوئے ان کی دینی، قومی اور علمی خدمات کوتا دیر یاد رکھے جانے کی تاکید کی ۔

حجت الاسلام والمسلمین سید ساجد علی نقوی

قائد ملت جعفریہ پاکستان

بسم اللہ الرحمن الرحیم

انا لله وانا اليه راجعون

علامہ طالب جوہری ملک و ملت کا بڑا سرمایہ تھےعلامہ طالب جوہری کی دینی، ملی اور علمی خدمات تادیر یاد رکھی جائیںطالب جوہری جیسے مفکر قرآن کا خلا بمشکل ہی پر ہوسکے گاغم اور دکھ کی اس گھڑی میں جوہری خاندان کے ساتھ شریک ہیں ۔

سید ساجد علی نقوی ۲۲جون ۲۰۲۰

حجت الاسلام عارف حسین واحدی مرکزی سکریٹری جنرل شیعہ علماء کونسل پاکستان

علامہ طالب جوہری پوری قوم اور باالخصوص ملت تشیع کے لئے بڑا سرمایہ تھےعلامہ طالب جوہری جیسی شخصیات کا خلا آسانی سے پر نہیں ہوتاعلامہ طالب جوہریؒ کی علمی ،تحقیقی خدمات کو ہمشیہ یاد رکھا جائے گا ۔

عارف حسین واحدی ۲۲جون ۲۰۲۰

علامہ طالب جوہری کے انتقال پر پاکستان کے مذھبی راھنماوں کا اظھار غم

حجت الاسلام سید احمد اقبال رضوی

مرکزی ڈپٹی سیکرٹری جنرل ایم ڈبلیو ایم پاکستان

انالله وانا إليه راجعون

علامہ طالب جوہری کی دلنشیں آواز برصغیر کی تاریخ عزاء میں ہمیشہ گونجتی رہے گی، ایک بے مثال خطیب، اور فضائل و مصائب کے بیان میں منفرد انداز رکھنے والے، مفسر قرآن اور مبلغ مکتب اہل بیت ع کی وفات محبانِ قرآن وعترت کو غمزدہ کر گئی ، اس موقع پران کے لواحقین اور عزادارن سید الشھداء ع کو تعزیت پیش کرتے ہیں۔اللہ تعالی ان کے درجات بلند فرمائے ۔

سید احمد اقبال رضوی مرکزی ڈپٹی سیکرٹری جنرل ایم ڈبلیو ایم پاکستان ۲۲جون ۲۰۲۰

حجت الاسلام محمد امین شہیدی

سربراہ اُمت واحدہ پاکستان

انالله وانا إليه راجعون

معروف بزرگ عالم دین علامہ طالب جوہری کے انتقال پر دلی رنج وغم کا اظہار کرتے ہیں، یہ غمزدہ خاندان کے لئے ناقابل تلافی نقصان ہے۔ علامہ طالب جوھری تبلیغ دین اور ذکرآل محمد کےحوالے سے ایک تاریخ سازشخصیت، ایک عھد ایک انسٹیٹیوشن تھے ۔ مرحوم کا طرز بیان ، علمی نکات، قرآنی معارف سکھانےکا دلنشین اندازمعاشرے کےھرطبقےکےلئے یکساں مفید تھا اورھر فرقہ انھیں توجہ سےسنتا تھا، اللہ ان پراپنی رحمت فرمائے ۔

محمد امین شہیدی ۲۲جون ۲۰۲۰

حجت الاسلام راجہ ناصر عباس جعفری

مرکزی سیکرٹری جنرل ایم ڈبلیو ایم پاکستان

انالله وانا إليه راجعون

پاکستان ایک عظیم عالم دین سے محروم ہوگیا آپ کی علمی خدمات کو کبھی فراموش نہیں کیا جاسکتا۔ مرحوم نے پوری زندگی اتحاد بین المسلمین کے فروغ اور فرقہ واریت کے خاتمے کے لئے کوششیں کی خداوند عالم چہاردہ معصومینؑ کے صدقے مرحوم کو جوار آئمہ میں جگہ عنایت فرمائے اور پسماندگان کو صبر جمیل عنایت فرمائے۔

راجہ ناصر عباس مرکزی سیکرٹری جنرل ایم ڈبلیو ایم پاکستان ۲۲جون 2020۔

صدر اور وزیراعظم کا علامہ طالب جوہری کے انتقال پر افسوس کا اظہار

اسلام آباد:صدر مملکت عارف علوی اور وزیراعظم عمران خان نے معروف عالم دین علامہ طالب جوہری کے انتقال پر افسوس کا اظہار کرتے ہوئے سوگوار خاندان سے تعزیت کیا ۔ صدر ڈاکٹر عارف علوی اور وزیراعظم عمران خان نے علامہ طالب جوہری کے انتقال پرگہرے دکھ اور افسوس کا اظہار کرتے ہوئے سوگوارخاندان سے تعزیت اور ان کی روح کے ایصال ثواب کیلئے دعا کی۔

پاکستان پیپلزپارٹی کے چیئرمین بلاول بھٹو زرداری ، قائد حذب اختلاف اور مسلم لیگ ن کے صدر شہباز شریف سمیت دیگر سیاسی و مذہبی شخصیت نے بھی افسوس کا اظہار کیا ۔ گورنر سندھ عمران اسماعیل ، گورنر پنجاب چوہدری سرور ، وفاقی وزرا نور الحق قادری ، وزیر خارجہ شاہ محمود قریشی ، امیر جماعت اسلامی سراج الحق ، سربراہ جے یو آئی ف مولانا فضل الرحمان نے بھی دکھ اورافسوس کا اظہار کیا ۔

اس کے علاوہ سربراہ پاکستان عوامی تحریک ڈاکٹر طاہر القادری ، علامہ راجہ ناصر عباس اور علامہ حنیف طیب سمیت دیگر سیاسی و مذہبی شخصیات نے بھی ممتاز علمی شخصیت علامہ طالب جوہری کی وفات پر افسوس کا اظہار کہا کہ پاکستان ایک بڑے عالم دین سے محروم ہو گیا، دین اسلام کیلئے انکی خدمات کو تادیر یاد رکھا جائے گا۔

علامہ طالب جوہری کے انتقال پر دفتر مقام معظم رہبری کے بین الاقوامی تعلقات کے ڈپٹی سیکرٹری جنرل کا اظہار افسوس

ایران دفتر مقام معظم رہبری کے بین الاقوامی تعلقات کے ڈپٹی سیکرٹری جنرل حجت الاسلام و المسلمین محسن قمی نے اپنے ارسال کردہ تعزیتی بیان میں علامہ طالب جوہری کے انتقال پر ملال کی ان کے لواحقین کو تعزیت پیش کی ہے.

حوزہ نیوز ایجنسی کی رپورٹ کے مطابق دفترمقام معظم رہبری کے بین الاقوامی تعلقات کے ڈپٹی سیکرٹری جنرل حجت الاسلام و المسلمین محسن قمی نے اپنے ارسال کردہ تعزیتی بیان میں علامہ طالب جوہری کے انتقال پر ملال کی ان کے لواحقین کو تعزیت پیش کرتے ہوئے ان سے ہمدردی کا اظہار کیا.

پیغام کا تفصیلی متن مندرجہ ذیل ہے :

بسم اللہ الرحمن الرحیم

انا للہ وانا الیہ راجعون

قال رسول اللہ صلی اللہ علیہ والہ و سلم : اذا مات العالم ثلم فی الاسلام ثلمة لا يسدها شيء

ترجمہ: عالم کی موت سے اسلام میں وہ خلاء پیدا ہو جاتا ہے جسے کوئی چیز نہیں بھر سکتی.

خطیب توانا و عظیم المرتبت علامہ طالب جوہری کے انتقال پر ملال کی خبر سن کر نہایت دکھ ہوا. یہ عالم با عمل حوزہ علمیہ نجف خاص طور پر آیت اللہ العظمی شہید سید محمد باقر الصدر رضوان اللہ تعالٰی علیہ کے نتیجوں میں سے ایک تھے ، انہوں نے اپنی با برکت عمر کو خطابت کے منبر پر مکتب خاتم الانبیاء و اہل بیت عصمت و طہارت علیہم السلام کی ترویج کے لیے صرف کی.

عاش سعیدا و مات سعیدا سعادت مندانہ زندگی کے ساتھ موت بھی سعادت مندانہ واقع ہوئی. مکتب اہل بیت علیہم السلام کے اس بلبل کے فقدان کی مناسبت سے دینی مدارس ، علماء ،خطباء ، دینی طلباء اور مکتب اہل بیت علیہم السلام کے پیروکاروں کی خدمت میں تسلیت و تعزیت پیش کرتے ہوئے ، بارگاہ خداوندی میں دعا گو ہیں کہ مرحوم و مغفور پر رحمت واسعہ نازل ہو ،اہل بیت علیہم السلام کے ساتھ محشور ہو ، مرحوم کے تمام چاہنے والے اور لواحقین کو صبر جمیل اور اجر عظیم عنایت ہو!

محسن قمی

دفتر مقام معظم رہبری کے بین الاقوامی تعلقات کے ڈپٹی سیکرٹری جنرل 7 ذی القعدہ ، 1441۔

علامہ طالب جوہری کے انتقال پر آیت اللہ اعرافی کا اظہار افسوس

ایرانی دینی مدارس کے سربراہ آیت اللہ علی رضا اعرافی نے اپنے ارسال کردہ تعزیتی پیغام میں علامہ طالب جوہری کے انتقال کی ان کے خانوادے کو تعزیت پیش کی. حوزہ نیوز ایجنسی کی رپورٹ کے مطابق ، ایرانی دینی مدارس کے سربراہ آیت اللہ علی رضا اعرافی نے اپنے ارسال کردہ تعزیتی پیغام میں علامہ طالب جوہری کے انتقال کی ان کے خانوادے کو تعزیت پیش کی اور ان سے ہمدردی کا اظہار کیا.

پیغام کا تفصیلی متن مندرجہ ذیل ہے :

بسم اللہ الرحمن الرحیم

انا للہ وانا الیہ راجعون

قال رسول اللہ صلی اللہ علیہ والہ و سلم : اذا مات العالم ثلم فی الاسلام ثلمة لا يسدها شيء

ترجمہ: عالم کی موت سے اسلام میں وہ خلاء پیدا ہو جاتا ہے جسے کوئی چیز نہیں بھر سکتی.

علامہ طالب جوہری کے انتقال پر ملال کی خبر سن کر نہایت دکھ ہوا. علامہ طالب جوہری آیت اللہ العظمی سید ابو القاسم خوئی اور آیت اللہ العظمی شہید سید محمد باقر الصدر رضوان اللہ تعالٰی علیہما کے شاگردوں میں سے تھے اس خدمت گزار عالم دین نے اپنی با برکت عمر دین اسلام اور مکتب اہل بیت علیہم السلام کی تبلیغ و ترویج میں صرف کی.

انہوں نے اپنی بے بدیل اور بے نظیر تقاریر، خطبوں کے ذریعے دین اسلام کے احیاء کےلیے بہت بڑا کردار ادا کیا . انہوں نے اسلامی معاشرہ ، عالم تشیع اور خاص طور پر پاکستان کی ملت تشیع کے لئے بڑی عظیم خدمات انجام دیں .

انشاءاللہ ، خداوند انکی مجاہدانہ خدمات اور کوششیں جو کہ اسلام اور مکتب اہل بیت علیہم السلام کی ترویج کے لیے انجام پائیں مرحوم و مغفور کے باقیات صالحات کے طور پر اپنی بارگاہ احدیت میں قبول و منظور فرمائے! اسلامی جمہوریہ ایران کے دینی مدارس کی منیجمنٹ اس عظیم مصیبت کی مناسبت سے مراجع عظام تقلید ،علماء ، پاکستانی دینی مدارس ،مسلمانوں اور خصوصی طور پر مرحوم کے خانوادے اور ان کے صاحبزادے کی خدمت میں تعزیت و تسلیت پیش کرتی ہے.

خداوند تعالیٰ اس خطیب توانا کی عظیم روح کو انبیاء و اہل بیت علیہم السلام کی ارواح طیبہ کے ساتھ محشور فرمائے!

علی رضا اعرافی سربراہ حوزہ علمیہ ایران۔

متعلقہ تلاشیں

• تحریک جعفریہ پاکستان
• سید ساجد علی نقوی
• ملی یکجہتی کونسل پاکستان