سنی اتحاد کونسل پاکستان

سنی اتحاد کونسل پاکستان
پارٹی کا نام	سنی اتحاد کونسل پاکستان
قیام کی تاریخ	2001 ء، 1379 ش، 1421 ق
بانی پارٹی	صاحب زادہ فضل کریم
پارٹی رہنما	صاحب زادہ حامد رضا
مقاصد و مبانی	اتحاد بین المسلمین اسلامی حکومت کا قیام مظلوموں کی حمایت استقلال اور آزادی

سنی اتحاد کونسل پاکستان یہ ایک سیاسی اور مذہبی جماعت ہے جس کو 2001ء میں قائم کی گئی تھی اس وقت اس کے چئیرمین صاحب زادہ فضل کریم تھے۔ یہ پارٹی تکفیر اور استعمار کے سخت مخالف اور اتحاد بین المسلمین کے داعی ہے۔ پی ٹی آئی نے سنی اتحاد کونسل کے ساتھ انتخابی اتحاد کا اعلان کردیا ہے۔

اس پارٹی میں شامل جماعتیں

جب سنی اتحاد کونسل بنائی گئی اس وقت مندرجہ ذیل اس میں شامل جماعتیں تھیں:

• جماعت اہل سنت
• ،انجمن طلباء اسلام
• مرکزی جماعت اہلسنّت،
• اتحاد مشائح پاکستان
• نظام مصطفی پارٹی،
• سنی تحریک،
• عالمی تنظیم اہلسنّت،
• انجمن اساتذہ پاکستان
• مرکزی جمعیت علمائے پاکستان

اس پارٹی کا موجودہ سربراہ صاحبزادہ حامد رضا ہیں۔ اب یہ سیاسی پارٹی دو دھڑوں میں تقسیم ہو چکی ہے ایک دھڑے اور گروہ کی سربراہی محفوظ مشہدی کر رہے ہیں

شہید قاسم سلیمانی ایک عہد ساز شخصیت تھے

اسلام آباد میں شہداء کانفرنس سے خطاب کرتے ہوئے سنی اتحاد کونسل پاکستان کے سربراہ صاحبزادہ حامد رضا نے کہاکہ شہید قاسم سلیمانی ایک عہد ساز شخصیت تھے اور حق و باطل کی پہچان کے لیے ابتداء کربلاء سے ہوئی تھی۔

اس کانفرنس میں مجلس وحدت مسلمین کے چیئرمین علامہ راجا ناصر عباس جعفری، سنی اتحاد کونسل کے سربراہ صاحبزادہ حامد رضا ،جماعت اہل حرم پاکستان کے سربراہ مولانا گلزار نعیمی سمیت دیگر رہنما سیاسی اور مذہبی شخصیات اور راہنما شریک تھے۔

اس کانفرنس سے خطاب میں حامد رضا کہا کہ پاکستان میں مزارات، امام بارگاہ اور علماء کرام نے ان تکفیریوں کے حملوں کا نشانہ بنا اور ریاست پاکستان نے کبھی عظمت صحابہ کرام کے نام پر لشکر بنائے کبھی جہاد اسلام کے نام پر لشکر بنائے اور کبھی دہشتگردوں کے خلاف کوئی خاص اقدام نہیں اٹھایا۔

انہوں نے اپنے خطاب میں کہا کہ کالعدم تحریک طالبان کے ساتھ مذاکرات احمقانہ فیصلہ ہے، وحشی اور بربریت کا کھیل کھیلنے والے لشکروں کو قومی دھارے میں لانے کی بات انتہائی افسوس ناک اور غیر قابل قبول ہے اور موجودہ وزیر داخلہ داتا گنج بخش کے مزار پر حملہ آوروں کی پشت پناہی کرتے رہے ہیں۔

انہوں نے کہاکہ دنیا میں عزت سے جینا ہے تو مانگنے کی بجائے دینے والا بننا ہو گا اور جب تک پاکستان پر موجودہ حکمران مسلط ہیں حالات بد تر ہوتے جائیں گے ۔

لاشوں کی بے حرمتی غیر اسلامی اور غیر انسانی

ملتان نشتر ہسپتال میں سینکڑوں لاشوں کی بے حرمتی غیر اسلامی غیر انسانی اور اسلامی احکامات کے منافی فعل ہے”

شیعہ نیوز کے رپورٹ کے مطابق سنی اتحاد کونسل پاکستان اور متحدہ علماء بورڈ پنجاب کے چیئرمین صاحبزادہ حامد رضا کی اپیل پر سنی اتحاد کونسل سے وابستہ پچاس سے زائد جید علماء اور مفتیانِ کرام نے ملتان نشتر ہسپتال میں سینکڑوں انسانی لاشوں کی بے حرمتی پر شرعی اعلامیہ جاری کر دیا ہے۔ شرعی اعلامیے میں ملتان نشتر ہسپتال میں لاشوں کی بے حرمتی کو غیر اسلامی غیر انسانی اور اسلامی احکامات کے منافی قرار دے دیا گیا ہے۔ اسلام اور آئین پاکستان میں انسانی لاشوں کی بے حرمتی سنگین جرم اور گناہ ہے۔ حکومت ایسے واقعات کی روک تھام کیلئے قانون سازی کرے اور گھناؤنے فعل کے مرتکب مجرموں کو قرار واقعی سزا دی جائے۔ مشترکہ اعلامیے میں کہا گیا ہے کہ اسلام میں انسانی لاش کی بے حرمتی حرام ہے۔ فوت ہونے کے بعد میت کا احترام۔ عزت و تکریم اور حرمت کو برقرار رکھنا لازم ہے۔

علماء اور مفتیوں کہا کہ لاشوں کی بے حرمتی اسلامی اصولوں کے منافی ہے۔ اسلام انسانی حقوق کا سب سے بڑا پاسدار اور محافظ ہے۔ اسلام دوران جنگ بھی انسانی لاش کی بے توقیری کی اجازات نہیں دیتا۔ دین اسلام نے جس طرح انسان کی زندگی میں اس کے ساتھ بدسلوکی اور بے حرمتی کو حرام اور ممنوع قرار دیا ہے، اسی طرح بعد از مرگ اس کی حرمت کو برقرار رکھنا بھی لازم ہے۔ کسی بھی انسان کے مرنے کے بعد بھی ہڈی پسلی، نکالنا، توڑنا، تمام چیزیں اشد ترین حرام ہیں، متعدد احادیث مبارکہ میں ہے کہ کسی بھی مردہ کی ہڈی وغیرہ توڑنا، اس کو اذیت دینا ایسا ہی ہے کہ جیسا کسی زندہ کی ہڈی پسلی توڑی جائے جیسا کہ کسی زندہ کو اذیت دی جائے، اس پہ وہی گناہ ملے گا جبکہ میت کو پرندوں گِدھوں کے کھانے کیلئے چھوڑ دینا، کسی زندہ انسان کو باندھ کر کسی درندے یا چرند پرند کے کھانے کو چھوڑ دینے کے مترادف ہے۔

انہوں نے کہا کسی انسان کے مرنے کے بعد اس کا مثلہ یعنی اس کی چیر پھاڑ ہرگز نہیں کیا جا سکتا چاہے وہ مسلمانوں کیخلاف جنگ میں لڑتا ہوا کوئی کافر ہی کیوں نا ہو، میت کا احترام زندہ سے بھی زیادہ اہم ہے، نشتر ملتان ہسپتال کی چھت پر کھلے آسمان تلے، گلتی سٹرتی، پرندے کھاتی سینکڑوں لاشوں کیساتھ جو کچھ ہوا درندگی، مردہ ضمیری کی بھی انتہا اور دین و دنیا برباد کر دینے والا فعل ہے۔ ایسے واقعات اسلام اور پاکستان کی بدنامی کا باعث بنتے ہیں۔ اس اعلامیے جاری کرنے والوں میں صاحبزادہ علامہ حسین رضا۔ ڈاکٹر سلطان سکندر۔ حافظ علامہ سلمان علی۔ مفتی سعید احمد رضوی۔ مفتی حسیب قادری۔ مفتی رمضان جامی۔علامہ ارشد جاوید مصطفائی۔ علامہ حامد سرفراز۔ مفتی ڈاکٹر کریم خان۔ مفتی محمد حسن علی قادری۔ علامہ ممتاز احمد ربانی۔ علامہ قاری محمد سلیم ہمدمی۔ الحاج مولانا اکبر نقشبندی، علامہ علی حسن رضوی اور دیگر شامل تھے ۔

پاکستان تحریک انصاف (پی ٹی آئی)نے سنی اتحاد کونسل سے اتحاد

پاکستان تحریک انصاف (پی ٹی آئی)نے سنی اتحاد کونسل سے اتحاد کا فیصلہ کیا ہے رپورٹ کے مطابق پاکستان تحریک انصاف نے صوبے اور وفاق میں حکومت بنانے کے لیے سنی اتحاد کونسل سے اتحاد کا فیصلہ کیا ہے۔

ذرائع نے بتایا کہ پی ٹی آئی سے تعلق رکھنے والے آزاد منتخب ارکان سنی اتحاد کونسل میں شامل ہونگے جبکہ پی ٹی آئی پنجاب میں سنی اتحاد کونسل کے پلٹ فارم سے حکومت بنائے گی۔ رپورٹ میں بتایا گیا ہے کہ پی ٹی آئی کے تمام آزاد ارکان سے بیان حلفی لینا شروع کردیا گیا، تحریک انصاف، سنی اتحاد کونسل کے پلیٹ فارم سے مخصوص نشستیں حاصل کریگی۔ سنی اتحاد کونسل کے سربراہ صاحبزادہ حامد رضا بھی کامیاب ہوچکے ہیں، صاحبزادہ حامد رضا کو تحریک انصاف کی حمایت حاصل تھی۔ اس سے قبل صاحبزادہ حامد رضا، بانی پی ٹی آئی کے ساتھ مل کر چلنے کا پہلے ہی اعلان کرچکے تھے ۔