محمد شاہین

محمد شاہین
دوسرے نام	ابو عماد
ذاتی معلومات
پیدائش کی جگہ	البقاع کیمپ اردن
یوم وفات	17 فروری
وفات کی جگہ	صیدا جنوبی لبنان
مذہب	اسلام، سنی
مناصب	القسام کے ممتاز کمانڈر

محمد شاہین ابو عماد جو حماس کے فوجی شاخ عزالدین القسام بریگیڈز کے سینئر کمانڈر ، حماس پولیٹیکل بیورو کے نائب سربراہ ، صالح عاروری کے قریبی ساتھی ، حماس اور حزب اللہ کے مابین فوجی کارروائیوں کے کوآرڈینیٹر تھے۔ پیر کو لبنان میں ، جنوبی لبنان کے شہر صیدا میں ، اسرائیلی فوج کے اس علاقے کو چھوڑنے کے موقع پر ، اسے اسرائیلی ڈرون حملے میں شہید کردیا گیا۔

سوانح عمری

محمد شاہین ابو عماد غزہ کے پناہ گزین کیمپ البقعہ میں پیدا ہوئے اور ان کا خاندان الفالوجہ گاؤں سے نقل مکانی کر کے غزہ آیا تھا اور ان کے پاس اردنی شہریت بھی تھی۔ قدس نیوز نیٹ ورک نے بتایا کہ ان کے بھائی حمزہ کو کئی سال قبل لبنان کے جنوبی علاقے میں واقع البرج الشمالی کیمپ میں ہونے والے ایک دھماکے میں شہید کر دیا گیا تھا۔

جہادی سرگرمیاں

حماس تحریک کے سینئر کمانڈر ، محمد شاہین ، عزالدین قسام بٹالین کے کمانڈر اور اسرائیلی ڈرون حملے میں 22 جنوری شہید ہو کیا وہ لبنان میں حماس اور حزب اللہ کے مابین فوجی ہم آہنگی کے ساتھ ساتھ فلسطینی مزاحمتی کارروائی کے لیے لاجسٹک مدد فراہم کرنے کا بھی ذمہ دار تھا۔ اس کی سرگرمیاں مندرجہ ذیل ہیں:

• فلسطین سے باہر حماس افواج کی مالی اعانت اور ہتھیارفراہم کرنا؛
• لبنان میں حماس اور حزب اللہ کے مابین فوجی کارروائیوں کے رابطہ اور کوآرڈینیٹر ؛
• لبنان میں حماس آپریشنز ڈیپارٹمنٹ کے صدر اور بیرون ملک اسرائیلی اہداف پر حملہ کرنے کے ڈیزائنر ؛
• ہتھیاروں کو علاقے میں مزاحمت کے فوجی انفراسٹرکچر کی منتقلی اور مقاومتی بلاک کی تقویت؛
• عاروری اور ذکی شاہین کے ساتھ مغربی کنارے میں خودکشی کی کارروائیوں کے لئے منصوبہ بندی ؛
• صہیونی حکومت کی جیلوں سے فلسطینی قیدیوں کے رہائی کے پروگراموں میں کلیدی کردار۔

محمد ابراہیم شاہین کی جرات و بہادری پر خراج تحسین

اسرائیل نے لبنان میں ڈرون حملہ کر کے فلسطینی تحریک مزاحمت کے ایک اہم ذمہ دار ابو عماد محمد شاہین کو شہید کر دیا۔ القسام بریگیڈز نے لبنان میں اہم کمانڈر کی اسرائیلی حمالے میں شہادت کی تصدیق کر دی ہے۔ حماس کے مسلح ونگ نے محمد ابراہیم شاہین کی جرات و بہادری پر خراج تحسین پیش کرتے ہوئے کہا ہے کہ اسرائیل کے خلاف مزاحمت میں، بشمول غزہ کی جنگ کے دوران، ان کا اہم کردار اور خصوصی نقش تھے۔

فلسطینی گروپ نے کہا کہ وہ اپنی کارروائیاں اس وقت تک جاری رکھے گا جب تک کہ ہمارے لوگوں کی آزادی اور واپسی کا خواب پورا نہیں ہو جاتا۔ اسرائیلی میڈیا کی رپورٹوں کے مطابق، شاہین لبنانی ملیشیا کے ساتھ رابطہ اور ہم آہنگی کے نگران بھی تھے اور وہ صالح العاروری اور ذکی شاہین کے ساتھ مل کر مغربی کنارے میں حملوں کی منصوبہ بندی کا حصہ تھے۔ اخبار یدیعوت آحرونوت کے مطابق وہ "لبنان میں آپریشنل سیکشن” کے سربراہ تھے، جو بیرون ملک اسرائیلی اہداف پر حملوں کی منصوبہ بندی کرتا ہے۔

مزاحمتی تنظیم کے اندر معلومات کا ایک اہم ذریعہ

اسرائیلی فوج نے کہا ہے کہ اس نے جنوبی لبنان میں ایک فضائی حملے میں حماس کے ایک کمانڈر کوشہید کر دیا، لبنانی سیکورٹی ذرائع کی اسرائیلی حملے میں فلسطینی مزاحمتی گروپ حماس کے ایک فوجی یونٹ کمانڈر کی شہادت کی تصدیق کی ہے۔ اسرائیلی فوج نے ایک بیان میں کہا کہ محمد شاہین کو حال ہی میں اسرائیل کی ریاست کے شہریوں کے خلاف لبنانی سرزمین سے ایران کی ہدایت اور مالی امداد سے حملوں کی منصوبہ بندی کرنے کے بعد مار گرایا گیا،فوج نے مزید کہا کہ اسے سیدون کے علاقے میں شہید کیاگیا۔محمدشاہین مزاحمتی تنظیم کے اندر معلومات کا ایک اہم ذریعہ تھے اور وہ پوری جنگ کے دوران مختلف حملوں اور اسرائیل کو نشانہ بنانے والے راکٹ لانچروں کے ذمہ دار تھے۔

دشمن کو محمد شاہین کے قتل کی بھاری قیمت چکانا پڑے گی

دشمن کو محمد شاہین کے قتل کی بھاری قیمت چکانا پڑے گی۔ حماس نے ایک بیان میں صیہونی رژیم کے فضائی حملے کے نتیجے میں لبنان میں القسام کے ممتاز کمانڈر محمد شاہین کی شہادت پر ردعمل کا اظہار کیا۔ مہر خبررساں ایجنسی کے مطابق، حماس نے اپنے ایک بیان میں صیہونی رژیم کے فضائی حملے کے نتیجے میں لبنان میں القسام کے ممتاز کمانڈر محمد شاہین کی شہادت پر ردعمل کا اظہار کیا ہے۔

اس بیان میں کہا گیا ہے کہ شہید محمد شاہین اور ان کے خاندان نے اپنی زندگی مزاحمت کی راہ میں لٹائی، ان کی بے مثال قربانیوں کو ہرگز فراموش نہیں کیا جائے گا۔ بیان میں مزید کہا گیا ہے کہ صیہونی رژیم مقبوضہ علاقوں کے باہر مزاحمتی رہنماوں کے قتل سے ہماری طاقت کو کمزور نہیں کر سکتی۔ حماس نے اپنے بیان میں زور دیا کہ صیہونی دشمن کو اس بزدلانہ اقدام اور وحشیانہ قتل و غارت گری کی بھاری قیمت ادا کرنا پڑے گی۔

شہادت

حماس کی عسکری شاخ عزالدین قسام بریگیڈ نے جنوبی لبنان میں صیہونی حکومت کے مجرمانہ حملے میں اپنے کمانڈر کی شہادت کی تصدیق کی ہے۔ مہر خبررساں ایجنسی کے مطابق، حماس کے عسکری ونگ القسام بریگیڈ نے کہا ہے کہ ابوالبراء کے نام سے معروف کمانڈر محمد ابراہیم شاہین صیہونی قابض فوج کے دہشت گردانہ حملے کی وجہ سے جنوبی لبنان کے شہر صیدا میں شہید ہوئے۔

القسام بریگیڈ نے ان کی شہادت پر فلسطینی عوام اور پوری عرب و اسلامی امت سے تعزیت کا اظہار کیا اور ان کے جہادی کردار کو خراج تحسین پیش کرتے ہوئے کہا کہ انہوں نے انتفاضہ الاقصی سے لے کر طوفان الاقصی معرکے تک مزاحمت کی اور صیہونی دشمن کے خلاف جدوجہد میں اہم کردار ادا کیا۔ بیان میں زور دیا گیا ہے کہ محمد شاہین نے سالہا سال مختلف جہادی محاذوں پر پیش پیش رہ کر خدمات انجام دیں اور بالآخر اپنے بھائی شہید حمزہ شاہین اور دیگر شہداء کے ساتھ جاملے۔

القسام بریگیڈ اپبت عہد اور فلسطینی قوم سے وفاداری کے عزم پر قائم ہے اور جہاد اور قربانی کے راستے پر گامزن رہے گی۔ یہ جدوجہد اللہ کی نصرت سے فلسطینی عوام کی آزادی اور وطن واپسی کے خواب کی تکمیل تک جاری رہے گی۔