مندرجات کا رخ کریں

"حجر بن عدی" کے نسخوں کے درمیان فرق

روابط شامل کریں
ویکی‌وحدت سے
→ پرانی ترمیم
م Saeedi نے صفحہ مسودہ:حجر بن عدی کو حجر بن عدی کی جانب منتقل کیا
 
(کوئی فرق نہیں)

حالیہ نسخہ بمطابق 10:24، 21 ستمبر 2026ء

حُجْر بن عَدِی
پورا نامحُجْر بن عَدِی بن معاویہ بن جَبَلہ کندی کوفی
دوسرے نامحجر خیر، حجر بن ادبر
ذاتی معلومات
وفات53 هق
وفات کی جگہمرج عذراء
مذہباسلام، شیعہ
مناصبصحابی حضرت محمد (صلی اللہ علیہ وآلہ) اور حضرت علی (علیہ السلام) کے خاص ساتھیوں اور شیعیان میں سے تھے اور کوفہ کے بزرگان و فضلاء میں شمار ہوتے ہیں۔

حُجْر بن عَدِی بن معاویہ بن جَبَلہ کندی کوفی کنیت ابوعبدالرحمن، معروف بہ حجرالخیر، صحابی حضرت محمد (صلی اللہ علیہ وآلہ) اور حضرت علی (علیہ السلام) کے خاص ساتھیوں اور شیعیان میں سے تھے اور کوفہ کے بزرگان و فضلاء میں شمار ہوتے ہیں۔ جنگ جمل، جنگ صفین اور جنگ نہروان میں آپ کی فوج کے کمانڈروں میں شمار ہوتے تھے۔ «حجر» امیر المومنین (علیہ السلام) کی دفاع اور معاویہ کی تنقید کرتے تھے، یہاں تک کہ بالآخر اس کے حکم پر مرج عذراء کے علاقے میں اپنے کئی ساتھیوں کے ساتھ شہادت پائی۔

حُجر بن عَدی کون ہیں

نام و نسب ابو‌عبدالرحمن حجر بن عدی الأدبر[1] معاویہ بن کندہ[2] الکندی الکوفی معروف بہ حجر الخیر ہیں[3]۔

وہ اسلام سے قبل قبیلہ کندہ میں پیدا ہوئے اور اپنے بھائی ہانی بن عدی کے ہمراہ حضور رسول گرامی اسلام (صلی اللہ علیہ وآلہ) کی بارگاہ میں مشرف ہوئے اور مسلمان ہو گئے۔ اس بزرگ صحابی کی پیدائش اور اسلام لانے کے وقت کے بارے میں تاریخ اور سیرت کی کتابوں میں کوئی مطلب ذکر نہیں کیا گیا[4]۔

حجر بن عدی کندی عالم اسلام کی امتیازی شخصیات میں سے اور خانوادہ رسول خدا (صلی اللہ علیہ وآلہ) کے خاص دوستداروں میں سے تھے، تاریخی اور سیرت کی کتابوں میں ان کے لیے ایسی اوصاف نقل کی گئی ہیں جو اس جلیل القدر صحابی کی عظمت اور بڑائی کی نشاندہی کرتی ہیں۔ وہ ایک پرہیزگار زاہد اور مجاہد عابد تھے کہ ان کی روزانہ ہزار رکعتِ نماز کی حکایت سیرت نگاروں اور مورخین کے درمیان مشہور ہے[5]۔ ابن‌عبدالبر لکھتے ہیں: حجر بن عدی اپنی کم سنی کے باوجود رسول خدا (صلی اللہ علیہ وآلہ) کے بزرگان اور فضلاء اصحاب میں شمار کیے جاتے تھے[6]۔ اسد‌الغابہ میں لکھا ہے، حجر بن عدی 2500 درہم عطا پاتے تھے[7]۔ فضل بن شاذان انہیں زہاد کے سرداروں میں سے مانتے ہیں[8]۔ انہیں ابدال میں سے شمار کیا گیا ہے[9]۔

جنگ جمل میں امام علی (علیہ السلام) کے ہمراہ تھے اور جنگ صفین میں قبیلہ کندہ کے امیر اور نہروان میں امام علی (علیہ السلام) کی فوج کے دائیں بازو کی کمان سنبھالے ہوئے تھے، وہ بہت بلند مرتبہ مقام کے مالک اور بہادر و دلیر مرد تھے، خاص طور پر یہ کہ دین کی راہ میں ہر قسم کی تکلیف اور مصیبت کو اپنے اوپر برداشت کرتے تھے اور اس راہ میں کسی خطر اور ملامت سے نہیں ڈرتے تھے اور انجام کار 51 ہجری میں معاویہ کے حکم سے مرج عذراء میں جو انہی کے ہاتھوں فتح ہوا تھا شہید ہوئے[10]۔ حجر مستجاب الدعوات مرد تھے، جیسا کہ نقل کیا جاتا ہے کہ شام کے راستے میں وضو اور نماز کے لیے پانی نہ تھا تو نگہبانوں سے پانی مانگا لیکن انہوں نے انکار کر دیا، حجر نے دعا کے لیے ہاتھ اٹھایا اچانک ایک بادل ظاہر ہوا جس سے پانی برس رہا تھا[11]۔ حاکم نیشاپوری نے انہیںمحمد (صلی اللہ علیہ وآلہ) کے اصحاب کا راہب کے عنوان سے ذکر کیا ہے[12]۔

حجر بن عدی کی شخصیت اتنی درخشان ہے کہ ان کی شہادت کے بعد براہ راست معاویہ کے حکم سے، صحابہ کے بزرگان اور ازواج نبی نے اس سبب انہیں ملامت کیا[13] اور انجام کار معاویہ نے عمر کے آخر میں بارہا کہا: «مجھے حجر سے کیا کام تھا» اور یہ جملہ مسلسل دہراتے تھے[14] اور آخر کار یہ بزرگ شخصیت رسول خدا (صلی اللہ علیہ وآلہ) کی صحبت اور دیدار کے علاوہ خدا اور دین حق کی راہ میں جہاد اور ولایت کی حمایت کی فضیلت سے بھی بہرہ مند تھے[15]۔

ابو معشر کہتے ہیں: حجر ایک عابد تھے کہحدث (بے وضو) نہیں ہوتے تھے مگر یہ کہ وضو کر لیتے اور ہر وضو کے بعد نماز پڑھتے اور نہ ہی پانی گراتے تھے مگر یہ کہ وضو بناتے اور نماز پڑھتے[16]۔ تاکہ ان کی والدہ بستر پر آرام سے استراحت کریں، والدہ سے پہلے وہ بستر پر ہاتھ پھیرتے اور کبھی خود اس پر لیٹتے تاکہ کہیں کوئی چیز ماں کے بدن کو تکلیف نہ دے[17]۔ ایک دن ایک خاندان زیاد کے پاس آیا اور ایک فرد سے شکایت کی کہ اس نے ہم میں سے ایک کو قتل کیا ہے، قاتل کے اولیاء نے کہا: بے شک مقتول نبطی ہے اور قاتل عربی ہے اور کوئی عربی نبطی کی وجہ سے قصاص نہیں کیا جاتا!! زیاد نے کہا: بے شک اس کی دیہ ادا کریں۔ مقتول کے رشتہ داروں نے کہا: ہمیں دیہ کی ضرورت نہیں ہمیں لگا تھا کہ تمام لوگ برابر ہیں! حجر بن عدی کھڑے ہوئے اور کہا: اس حکم اور بات سے آپ نے خدا کی کتاب اور اس کے پیامبر کی سنت کو معطل کر دیا۔ جب تک میری جان ہے تلوار چلاؤں گا یہاں تک کہ مر جاؤں اور اسلام عزیز ہو جائے۔ خدا کی قسم میں چین نہیں لوں گا جب تک قاتل کے گلے کے نیچے چاقو نہ رکھ دیا جائے[18]۔


امام حسین (علیہ السلام) نے معاویہ کو ایک سرزنش آمیز خط میں لکھا: «ألست قاتل حجر بن عدی اخی کنده و اصحابه الصالحین المطیعین العابدین، کانوا ینکرون الظلم و یستعظمون المنکر و البدع و یؤثرون حکم الکتاب و لا یخافون فی الله لومه لاثم و قتلتهم ظلماً و عدوانا. ...» کیا تو حجر بن عدی اور اصحاب صالحین و مطیعین و عابدین کا قاتل اور کشندہ نہیں ہے، جو ظلم کے مخالف تھے اور منکر بدعت کو عظیم سمجھتے تھے اور خدا کی کتاب کا حکم قائم کرتے تھے اور خدا کی راہ میں کسی ملامت کرنے والے کی ملامت سے نہیں ڈرتے تھے اور تو نے انہیں ظلم اور دشمنی سے قتل کیا اور۔ ..[19]۔

زہیر بن قین نے روز عاشورا جب دیکھا کہ امام حسین (علیہ السلام) کی باتیں عمر سعد کی فوجیوں پر اثر نہیں کر رہیں، امام (علیہ السلام) سے اجازت لی کہ وہ بھی نصیحت کریں اس لیے فوج کے سامنے کھڑے ہوئے اور کہا: اے کوفیو ہم تمہیں پیامبر (صلی اللہ علیہ وآلہ) کے خاندان کی مدد کے لیے بلاتے ہیں اور ظالموں اور ستم گروں جیسے عبید اللہ بن زیاد کی نابودی اور ذلت کے لیے دعوت دیتے ہیں، یزید اور عبید اللہ سے سوائے برائی اور ناپسندیدگی کے کچھ حاصل نہیں ہوگا، ان کی حکومت کا پس منظر قتل اور جرم اور مصلحت پسندی ہے، یہی وہ لوگ تھے جنہوں نے تمہارے بزرگان اور رہنماؤں کو قتل کیا افرادی جیسے حجر بن عدی اور ان کے ساتھیوں اور۔ .. کو موت کے گھاٹ اتار دیا[20]۔

عبید اللہ بن حر جعفی کوفہ کے عثمانیوں میں سے تھا، شام گیا اور ان کے ہمراہ امام حسن (علیہ السلام) کے صلح کے بعد کوفہ واپس آیا، جب زیاد نے حجر بن عدی اور ان کے دس ساتھیوں کو گرفتار کیا تو اسے آرزو تھی کہ اگر اس کے پاس دس ساتھی ہوتے تو وہ انہیں زیاد بن ابیہ کے اہلکاروں کے ہاتھوں سے نجات دلا دیتا[21]۔

ابن شہر آشوب جب امام حسن مجتبی (علیہ السلام) کے یاران کا نام لیتے ہیں تو لکھتے ہیں: امام علی (علیہ السلام) اور امام حسن (علیہ السلام) کے خواص اور خاص یاران میں سے حجر بن عدی ہیں[22]۔

حضورِ نبوی میں حجر بن عدی

حجر بن عدی اپنے بھائی ہانی بن عدی کے ہمراہ بارگاہِ رسول خدا (صلی اللہ علیہ وآلہ وسلم) میں حاضر ہوئے اور آپ کے ہاتھ پر اسلام لائے، لیکن پیغمبر اکرم (صلی اللہ علیہ وآلہ وسلم) کے دور میں ان کی سرگرمیوں کے بارے میں معلومات دستیاب نہیں ہیں۔ بعض مصادر نے لکھا ہے کہ انہوں نے جنگ یرموک میں شرکت کی تھی اور ہم جانتے ہیں کہ اس جنگ کی تیاریاں رسول خدا (صلی اللہ علیہ وآلہ وسلم) کی حیاتِ مبارکہ کے آخری ایام میں ہوئیں اور پیامبر خدا (صلی اللہ علیہ وآلہ وسلم) نے اسامة بن زید کی کمان میں ایک فوج مدینہ سے باہر روم کی سرحد کی طرف روانگی کے لیے تیار کی، لیکن بعض مشہور صحابہ کی کارشکنی اور واهی بہانوں کی وجہ سے اس فوج کی حرکت میں تاخیر ہوئی اور پیامبر کی جانگداز رحلت کے بعد ابوبکر کے حکم سے مذکورہ فوج نے اپنا مشن شروع کیا۔ لہٰذا پیامبر (صلی اللہ علیہ وآلہ وسلم) کے دور میں حجر بن عدی کے بارے میں مصادر سے جو بات ملتی ہے وہ اسامہ کی فوج میں ان کی موجودگی ہے۔ البتہ حاکم نیشاپوری نے حجر سے جو روایت نقل کی ہے اس سے دلالت ملتی ہے کہ حجر حج کے سفر میں پیامبر (صلی اللہ علیہ وآلہ وسلم) کے ہمراہ تھےخطا در حوالہ: Closing </ref> missing for <ref> tag۔

ربیع بن زیاد حارثی جو معاویہ کی طرف سے خراسان کا حاکم تھا، جب اس نے سنا کہ حجر کو شہید کر دیا گیا ہے تو دعا کے لیے ہاتھ اٹھائے اور کہا: اے اللہ اگر ربیع کا تیرے نزدیک کوئی مقام ہے تو اسے قبض روح کر؛ وہ اپنی جگہ سے ہلا نہیں اور دنیا سے رخصت ہو گیا [23]۔

معاویہ بھی حجر کے قتل سے پشیمان ہوا اور سخت اپنے آپ کو ملامت کرتا تھا؛ یہاں تک کہ جان دینے کے وقت بار بار کہتا تھا: «یومی منک یا حجر یوم طویل»؛ میری اور تیری محاکات کا دن طویل اور سخت ہوگا [24]۔

ایک دن معاویہ کی بیوی نے دیکھا کہ معاویہ نے اپنی نماز لمبی کی، اس سے مخاطب ہو کر کہا: اے امیرالمؤمنین کتنی اچھی نماز پڑھی، البتہ اگر حجر اور اس کے ساتھیوں کو قتل نہ کرواتے [25]۔

حوالہ جات

  1. ↑ اسد الغابہ میں آیا ہے: ایک جنگ میں ان کے اعضا میں سے کسی پر تلوار لگی اور وہ زخمی ہو گئے۔ اسی لیے انہیں یہ لقب دیا گیا۔ اسد الغابہ، ابن اثیر 1: 461؛ الاستیعاب، ابن عبدالبر 1: 329؛ تاریخ مدینہ دمشق، ابن عساکر 12: 207، اعیان الشیعہ، امین عاملی:4: 57۔
  2. ↑ ابن سعد نے طبقات میں یوں لکھا ہے: «مرتع بن معاویہ بن کندی»؛ ابن عساکر کہتے ہیں: ان کا نسب کهلان بن سبا تک پہنچتا ہے۔ تاریخ مدینہ دمشق، ابن عساکر 12: 207۔
  3. ↑ اسد الغابہ، ابن اثیر، 1: 461؛ الاستیعاب، ابن عبدالبر 1: 329؛ الاصابہ، ابن حجر عسقلانی 2: 32؛ تاریخ مدینہ دمشق، ابن عساکر 12: 207؛ المستدرک، حاکم نیشاپوری 3: 468؛ اعیان الشیعہ، امین عاملی 4: 750۔ اس قبیلہ کی اصل یمنی قبائل سے ہے اور تاریخی دلائل کی بنا پر جن کا ذکر ممکن نہیں، وہ عراق کی سرزمین کی طرف ہجرت کر گئے اور وہیں آباد ہو گئے۔
  4. ↑ ابن سعد لکھتے ہیں: وفد کندہ: عن الزہری قال: قدم الاشعث بن قیس علی رسول اللہ (صلی اللہ علیہ و آلہ و سلم) فی بضعہ عشر راکبا من کندہ فدخلوا علی النبی (صلی اللہ علیہ و آلہ و سلم) ..... الطبقات الکبری، 1: 328۔ شاید وہ بھی اسی گروہ میں سے ہوں گے۔
  5. ↑ تاریخ مدینہ دمشق، ابن عساکر 12: 121 و سفینہ البحار، محدث قمی 1: 545۔
  6. ↑ الاستیعاب: ابن عبدالبر 1: 329 و اسد الغابہ، ابن اثیر 1: 461۔
  7. ↑ اسد الغابہ، ابن اثیر 1: 462۔
  8. ↑ رجال الکشی، کشی :69۔
  9. ↑ رجال الطوسی، شیخ طوسی: 60؛ اعیان الشیعہ، امین عاملی 4: 570؛ سفینہ البحار، محدث قمی 1: 545 و قاموس الرجال، شوشتری 3: 122۔
  10. ↑ اس نبی اکرم (صلی اللہ علیہ و آلہ و سلم) کے صحابی کے سال شہادت میں تھوڑا اختلاف ہے جس کی طرف آخر میں اشارہ کیا جائے گا۔
  11. ↑ الاصابہ، ابن حجر 2: 33 (روی ابراہیم بن الجنید فی کتاب «الاولیاء» بسند منقطع: أنّ حجر بن عدی اصابته جنابه فقال للموکل به «اعطنی شرابی أطهر به ولا تعطنی غدا شیئا» فقال: اخاف ان تموت عطشا فیقتلنی معاویه، قال: فدعا الله فانسبکت له سحاب بالماء فأخذ منها الذی احتاج الیه)؛ والاستیعاب، ابن عبدالبر 1: 331۔
  12. ↑ المستدرک، حاکم نیشاپوری 3: 468۔
  13. ↑ الاستیعاب، ابن عبدالبر 1: 332 و البدایۃ و النہایۃ، ابن کثیر 6: 225۔
  14. ↑ تاریخ الطبری، طبری 5: 207 «لما حضرته الوفاه جعل یغر غر بالصوت و یقول: یومی منک یا حجر یوم طویل». الاعلام من الصحابہ و التابعین، حسین شاکرج 6۔
  15. ↑ اعیان الشیعہ مرآہ الجنان سے نقل کرتا ہے کہ وہ سال 51 ہجری کے حوادث میں لکھتے ہیں: «فیہا قتل حجر بن عدی الکندی و اصحابہ یقال: بامر معاویہ و لہ صحبہ و وفادہ و جہاد و عبادہ»۔ ذکر کرنا ضروری ہے کہ حجر بن عدی کی شہادت براہ راست معاویہ بن ابی سفیان کے حکم سے تاریخی مسلّمات اور قطعی مسائل میں سے ہے۔ 4: 570۔
  16. ↑ تاریخ مدینہ دمشق، ابن عساکر 12: 212۔ وہ کبھی بے وضو نہیں ہوتے تھے، اور جب بھی وضو تجدید کرتے کم از کم دو رکعت نماز پڑھتے۔
  17. ↑ تاریخ مدینہ دمشق، ابن عساکر 12: 212۔
  18. ↑ تاریخ مدینہ دمشق، ابن عساکر 12: 212۔
  19. ↑ الاحتجاج، طبرسی 2: 297 و بحارالانوار، علامہ مجلسی 44: 212۔
  20. ↑ موسوعہ التاریخ الاسلامی، یوسفی غروی 6: 154۔
  21. ↑ موسوعہ التاریخ الاسلامی، یوسفی غروی 6: 125۔
  22. ↑ مناقب آل ابی طالب، ابن شہر آشوب 4: 40۔
  23. ↑ الامالی، شیخ طوسی: 266 ح 37 مجلس 6.
  24. ↑ الاستیعاب، ابن عبدالبر 1: 332؛ الغارات، ثقفی کوفی 2: 814؛ تاریخ الطبری، طبری 5: 257 و الکامل، ابن اثیر 3: 488.
  25. ↑ انساب الاشراف، بلاذری 5: 270.

مصادر

  • [https:\/\/www.alwahabiyah.com\/fa\/articleview\/515\/%D8%AD%D9%8F%D8%AC%D8%B1-%D8%A8%D9%86-%D8%B9%D9%8E%D8%AF%DB%8C\/ برگرفته از سایت حُجر بن عَدی - پایگاه تخصصی وهابیت پژوهیhttps:\/\/www.alwahabiyah.com]
اخذ کردہ از «https://ur.wikivahdat.com/w/index.php?title=حجر_بن_عدی&oldid=30250»