جنگ رمضان
جنگِ رمضان، امریکہ اور اسرائیل کے ایران پر حملے کے جواب میں، ہفتہ کی صبح 9 اسفند 1404 ھ ش، مطابق 30 فروری 2026 ء اور10 رمضان 1447 ھ ق کو تہران میں واقع بیتِ رہبری پر شروع ہوئی۔ ان دہشت گردانہ حملوں میں امام خامنہ ای، ان کے خاندان کے بعض افراد، سید عبدالرحیم موسوی (چیف آف جنرل اسٹاف مسلح افواج جمہوری اسلامی ایران)، سردار محمد پاکپور (سپاہ پاسداران انقلاب اسلامی کے کمانڈر ان چیف)، امیر سرلشکر عزیز نصیرزادہ (وزیر دفاع و پشتیبانی نیروهای مسلح)، امیر دریاسالار علی شمخانی (کمانڈر اِن چیف کے مشیر اور سپریم ڈیفنس کونسل کے سیکریٹری)، میناب شہر کے مدرسۂ شجرۂ طیبہ کے طلبہ اور متعدد غیر فوجی ایرانی شہری شہید ہوگئے۔
ان حملوں کے نتیجے میں جمہوری اسلامی ایران کے مختلف صوبوں اور شہروں میں متعدد شہری، فوجی اہلکار اور امدادی ٹیموں کے افراد بھی زخمی ہوئے۔
جنگِ رمضان کے اہم واقعات
نواں دن
- لَیری جانسن: امریکہ اپنی عوام سے جھوٹ بول رہا ہے؛ ایران نے پانچ جدید ریڈار سسٹمز (جن کی مالیت تقریباً 4 ارب ڈالر ہے) اور بحرین میں بحری تنصیبات کو تباہ کر کے امریکی فضائی دفاع کو عملاً اندھا کر دیا ہے اور حملوں کی وارننگ کا وقت 30 منٹ سے کم ہو کر صرف ایک منٹ رہ گیا ہے۔
- جارج گیلوے: ٹرمپ اپنے رویے اور گفتگو پر قابو نہیں رکھتا اور امریکہ و دنیا کے لیے فوری خطرہ ہے؛ اس کے ساتھیوں کو آئین کی 25ویں ترمیم نافذ کرنی چاہیے، بصورت دیگر فوج کو اسے گرفتار کرنا چاہیے۔
- جان برینن: ایران کی غیر مشروط ہتھیار ڈالنے کی تجویز بے معنی ہے اور میدان میں پائی جانے والی افراتفری کو ظاہر کرتی ہے۔ ایرانی عوام کی شدید مزاحمت اور حکومتی ڈھانچے کو دیکھتے ہوئے کٹھ پتلی حکومت قائم کرنا ناممکن ہے۔
- کوئنسی انسٹی ٹیوٹ: ٹرمپ امریکہ کے اندر ایران کے خلاف جنگ پہلے ہی ہار چکا ہے کیونکہ سروے ظاہر کرتے ہیں کہ امریکی شہریوں کی بڑی تعداد اس جنگ کی مخالف ہے۔
- ولی نصر: امریکہ اپنی حکمت عملی کے حسابات میں غلطی کا شکار ہوا اور ایران کی طاقت کو کم سمجھا۔ ایران نے ریڈار سسٹمز کو نشانہ بنا کر اور آبنائے ہرمز کو خطرے میں ڈال کر واشنگٹن کی حکمت عملی کو درہم برہم کر دیا اور علاقائی دفاعی نیٹ ورک کو نصف اندھا کر دیا ہے۔
- عوامی رائے اور ٹرمپ کا رویہ: عوامی حمایت کم ہونے (27 فیصد) اور واضح حکمت عملی کے فقدان (60 فیصد افراد کا یہی خیال ہے) کے باعث ٹرمپ شدید دباؤ اور غصے میں ہے۔ پیش گوئی کی جا رہی ہے کہ وہ بالآخر پیچھے ہٹ جائے گا، جیسا کہ ماضی میں اس نے عراق جنگ پر تنقید کی تھی۔
- خبر رساں ایجنسی رائٹرز: ایک ہفتے کے بعد امریکہ کے لیے خطرات کئی گنا بڑھ گئے ہیں اور جنگ ایک علاقائی اور بے قابو بحران میں تبدیل ہو چکی ہے۔ آبنائے ہرمز میں تیل بردار جہازوں کی آمدورفت رکنے سے اقتصادی نتائج کے بارے میں فوری خدشات پیدا ہوئے ہیں۔
- بریج موہن: اسرائیل میں صورتحال انتہائی خوفناک ہے؛ گہرے پناہ گاہیں بھی جانی نقصان کو نہیں روک سکیں۔ حکام ہسپتالوں تک رسائی محدود کر کے اور فلم بندی پر پابندی لگا کر ہلاکتوں کے اصل اعداد و شمار (ایک ہزار سے زیادہ) چھپا رہے ہیں۔
- صہیونی وزارتِ صحت: اس ادارے نے 1929ء زخمیوں کو ہسپتال منتقل کرنے کا دعویٰ کیا ہے، جبکہ آزاد رپورٹس میں ہلاکتوں کی تعداد اس سے کہیں زیادہ بتائی گئی ہے۔
- السٹر کروک: ایران نے میزائلوں اور ڈرونز کے ذریعے خلیج فارس کی فضا پر غلبہ حاصل کر لیا ہے اور امریکی دفاعی نظام کو ناکام بنا دیا ہے۔
- جنرل میک کینزی: کسی کو توقع نہیں تھی کہ ایران امریکہ اور اسرائیل کے خلاف دو دن سے زیادہ مزاحمت کر سکے گا، لیکن سینٹکام کے اڈے تباہ ہو گئے۔ ٹرمپ نے ان اقدامات سے دنیا میں امریکہ کی ساکھ کو شدید نقصان پہنچایا ہے۔
- بشریٰ شیخ: ایران نے سات دن کے اندر امریکہ اور اسرائیل کو خطے میں رسوا کر دیا اور شہر میں ایک نیا حکمران پیدا ہو گیا ہے۔
- الجزیرہ نیٹ ورک: ایران کی سخت تنبیہات کے بعد یورپی ممالک امریکہ اور اسرائیل کی جنگ میں شامل نہ ہو سکے۔
- فارین پالیسی: ٹرمپ کی جنگ نے تیل کی قیمت میں 35 فیصد اضافہ کیا اور ہوا بازی کی صنعت کو تقریباً 8 ٹریلین ڈالر کا نقصان پہنچایا، جبکہ امریکی اسٹاک مارکیٹ کی قدر میں 805 ارب ڈالر سے زیادہ کی کمی ہوئی۔
- وِل شرائیور: ایران نے واضح تزویراتی فتح حاصل کی ہے اور یہ تصادم امریکی سلطنت کے تیز رفتار زوال کا نقطۂ آغاز ثابت ہوگا۔
- شارمین نروانی: ایران نے ایک ہفتے میں امریکہ کے آدھے THAAD دفاعی نظام تباہ کر دیے ہیں، جن میں سے ہر ایک کی قیمت تقریباً ایک ارب ڈالر ہے۔
- واشنگٹن پوسٹ: ہلاک ہونے والے امریکی فوجیوں کی لاشوں کی واپسی جنگ کے تاریک پہلو کو ظاہر کرتی ہے (طیارہ بردار جہاز لنکن بھی ایران کے خوف سے پیچھے ہٹ گیا ہے)۔
- جان ہڈسن: امریکی انٹیلی جنس کے 18 اداروں کی خفیہ رپورٹ کے مطابق حتیٰ کہ وسیع حملہ بھی ایران کے نظام اور شیعہ مذہبی قیادت کو اقتدار سے نہیں ہٹا سکتا کیونکہ وہ شکست ناپذیر ہیں۔
- وولف گانگ اِشنگر: ٹرمپ حکومت کے پاس ایران پر حملے کا کوئی واضح ہدف نہیں ہے، جو انتہائی مایوس کن ہے؛ توجہ یوکرین پر ہونی چاہیے تاکہ ایران کے ساتھ طویل جنگ یوکرین میں اسلحہ کی کمی کو مزید نہ بڑھا دے۔
- ڈین کروئسک: یہ توقع کرنا کہ 90 ملین آبادی اور 2600 سالہ تہذیب رکھنے والی ایرانی قوم اجازت دے گی کہ ان کے رہنما کا انتخاب ’’زمین کے سب سے احمق شخص‘‘ کے ذریعے ہو، محض ایک وہم ہے۔
- خوان کول: امریکہ شیعیت، ایران کی روحانی جغرافیہ اور شہادت و انتظار کے تصور کو درست طور پر نہیں سمجھتا۔ ایران کا ردِعمل شیعہ سوگ کی قدیم روایت اور شہادت تک مزاحمت کی ثقافت پر مبنی ہے، جس نے واشنگٹن کے حسابات کو الٹ دیا ہے۔[1]۔
دسواں دن
- جنگ کا دسواں دن: یہ دن دنیا بھر میں ٹرمپ اور نیتن یاہو پر لعنت بھیجنے کے دن کے طور پر جانا گیا۔ ایران کے اسرائیلی شہروں اور بحرین، قطر، کویت اور دبئی میں امریکی اڈوں پر مشترکہ اور شدید حملے مزید تیز ہو گئے اور تیل کی تنصیبات کو بھی نشانہ بنایا گیا۔
- شاشانک جوشی: سیٹلائٹ تصاویر سے ظاہر ہوتا ہے کہ ایران نے ابتدائی وارننگ ریڈار سسٹمز کو تباہ کرنے میں کامیابی حاصل کی ہے۔ امریکہ اور اس کے اتحادیوں نے چند دنوں میں جتنے پیٹریاٹ میزائل استعمال کیے وہ یوکرین کی پوری جنگ سے بھی زیادہ ہیں، اور ان کی جگہ لینا مشکل ہے۔
- نیویارک ٹائمز اور فارین پالیسی: بھاری جانی نقصان سے ظاہر ہوا کہ ایران ٹرمپ حکومت کی توقعات سے کہیں زیادہ تیار تھا۔ فارین پالیسی نے طنزیہ انداز میں آپریشن کے نام کو "Epic Rage" سے بدل کر "Epic Confusion" قرار دیا اور ٹرمپ کے اہداف کو ناقابل حصول بتایا۔
- فارن افیئرز: کشیدگی میں اضافہ ایران کے لیے فائدہ مند ہے کیونکہ اس کے وسیع علاقائی نتائج اور امریکی فوج کی میزبانی کی سیاسی قیمت خلیج فارس کے ممالک کے لیے بڑھا رہے ہیں اور ایک نیا علاقائی نظام تشکیل دے رہے ہیں۔
- حسین آرین: نیتن یاہو نے دوسری مرتبہ ٹرمپ کو دھوکہ دے کر ایران پر حملہ کروایا۔ ایران کی فوری ردعمل اور جنگ کو علاقائی بنانے کی حکمت عملی دشمن کی غلط حساب کتاب کو ظاہر کرتی ہے۔
- اکانومسٹ: ایران کے میزائل ہتھیاروں کی گہرائی، درستگی اور طاقت نے واشنگٹن اور تل ابیب کے حکام کو حیران کر دیا ہے۔
- سید مجتبیٰ خامنہ ای کا انتخاب: آیت اللہ خامنہ ای کے قریبی ترین فرد کو نئے رہبر کے طور پر منتخب کیے جانے کو وال اسٹریٹ جرنل اور فنانشل ٹائمز جیسے ذرائع ابلاغ نے مزاحمت کے تسلسل اور ٹرمپ کی ناکامی کی علامت قرار دیا۔
- اقتصادی اور توانائی بحران: آبنائے ہرمز کی بندش کے باعث کویت کی تیل پیداوار رک گئی اور سعودی عرب کی پیداوار کم ہو گئی، جبکہ بحرین کی تنصیبات پر حملوں نے تیل کی قیمت کو 120 ڈالر تک پہنچا دیا اور 215 ڈالر تک جانے کی پیش گوئی کی گئی۔ لاس اینجلس میں پیٹرول کی قیمت 100٪ بڑھ گئی اور یورپ میں گیس تین سال کی بلند ترین سطح پر پہنچ گئی۔
- عالمی منڈیاں: ایشیائی اسٹاک مارکیٹس گر گئیں اور گارڈین و رائٹرز نے خبردار کیا کہ مہنگائی کا جھٹکا اور توانائی کی کمی عالمی اقتصادی بحالی کو تباہ کر سکتی ہے۔
- امریکہ اور اسرائیل کے درمیان اختلاف: ویب سائٹ Axios کے مطابق امریکہ اسرائیل کے ایران کے ایندھن کے ذخائر پر حملے سے ناراض ہے کیونکہ اس سے تیل کی عالمی منڈی میں خوف پھیل گیا اور قیمتیں بے قابو ہو گئیں۔
- ٹرمپ کی پسپائی: طیارہ بردار جہاز لنکن کے تقریباً ایک ہزار کلومیٹر پیچھے ہٹنے کے بعد ٹرمپ نے تجارتی جہازوں کو آبنائے ہرمز سے گزرنے کی دعوت دی، جسے عرب صارفین نے امریکی فوج کے خوف کی علامت قرار دیا۔
- آپریشن وعدۂ صادق 4 کی تیسری لہر: ایران کے سب سے شدید حملوں میں مائع اور ٹھوس ایندھن والے میزائلوں کے ذریعے الخضیرہ پاور اسٹیشن کو نشانہ بنایا گیا جس سے تل ابیب میں بجلی بند ہو گئی اور افراتفری پھیل گئی۔
- اخبار معاریو: اسرائیلی فوج بیک وقت دو محاذوں پر جنگ کے لیے تیار نہیں ہے اور اسے سنبھالنے کی صلاحیت نہیں رکھتی۔ دو ملین اسرائیلی لبنان اور ایران کی آگ کے نیچے ہیں اور اسرائیلی فوج کوئی سپر پاور نہیں۔
- صہیونی ریڈیو و ٹی وی مرکز: 24 گھنٹوں میں لبنان سے 400 سے زیادہ میزائل داغے گئے اور حزب اللہ کے حملوں کی رفتار میں نمایاں اضافہ ہوا ہے۔
- ایک صہیونی صارف: خطرے کے سائرنوں کے درمیان زندگی، دس سیکنڈ سے کم وارننگ اور مسلسل حملوں کے ساتھ ناقابل برداشت ہو گئی ہے۔
- امریکی سینیٹرز: لنڈسی گراہم نے ایران میں قیادت کی تبدیلی کو مطلوبہ تبدیلی قرار نہیں دیا، جبکہ کرس وین ہولن نے طنزیہ انداز میں کہا کہ نیتن یاہو نے 40 سال انتظار کیا تاکہ ایک احمق صدر ملے جو امریکہ کو جنگ میں گھسیٹ سکے۔
- اسکاٹ رِٹر: امریکہ نے جنگ پہلے دن ہی ہار دی کیونکہ سیاست دانوں نے منتخب ویڈیوز کی بنیاد پر یہ سمجھ لیا کہ ایرانی عوام حکومت کے خلاف ہیں، لیکن آج لوگ "زندہ باد شہید خامنہ ای" کے نعرے لگا رہے ہیں۔
- باقر العساف: طنزیہ انداز میں لکھا کہ "دنیا کی سب سے طاقتور ریاست" دس دن کے بعد کردوں، یورپیوں، یوکرین اور خلیجی ممالک سے التجا کر رہی ہے کہ وہ اس کی طرف سے جنگ لڑیں اور اپنے اڈے کھولیں۔
ایران کے خلاف جنگ میں امریکی کامیابی کا بیانیہ کمزور پڑنے لگا
ایران کے خلاف محدود اور تیز کارروائی کے ذریعے فوری نتائج حاصل کرنے کا امریکی تصور عملی طور پر مؤثر ثابت نہ ہوسکا، اور طویل کشیدگی نے واشنگٹن کو نئی حکمت عملی پر غور کرنے پر مجبور کر دیا ہے۔
مہر خبررساں ایجنسی، بین الاقوامی ڈیسک: تقریبا دو ماہ قبل جب ڈونلڈ ٹرمپ نے ایران کے خلاف تمام آپشن میز پر ہونے کی دھمکی دی تو واشنگٹن میں عمومی خیال یہ تھا کہ ایک محدود، تیز اور کنٹرول شدہ فوجی کارروائی طاقت کا توازن جلد ہی امریکہ کے حق میں بدل سکتی ہے۔
اس تصور کے تحت جنگ کو ایک پیچیدہ اور مہنگے عمل کے بجائے ایسے فوری ذریعے کے طور پر دیکھا جا رہا تھا جس کے ذریعے چند مخصوص حملوں کے بعد ایران کو پیچھے ہٹنے پر مجبور کیا جاسکے اور پھر فتح کا اعلان کر کے معاملہ سیاسی مذاکرات کی طرف موڑ دیا جائے۔
تاہم عملی صورت حال اس ابتدائی تصور سے مختلف ثابت ہوئی۔ تقریبا چالیس دن تک جاری رہنے والی کشیدگی اور جھڑپوں نے جہاں امریکی طاقت کا مظاہرہ ہونا تھا، وہاں اس کی متعدد کمزوریوں کو بھی نمایاں کر دیا۔
جو کارروائی مختصر اور فیصلہ کن سمجھی جا رہی تھی وہ بتدریج ایک طویل اور پیچیدہ مرحلے میں داخل ہوگئی، جہاں نہ صرف ابتدائی اہداف حاصل نہ ہو سکے بلکہ اخراجات بھی مسلسل بڑھتے گئے۔
ماہرین کے مطابق یہی وہ مرحلہ ہوتا ہے جب ایک محدود فوجی کارروائی محض عسکری مسئلہ نہیں رہتی بلکہ اسٹریٹجک چیلنج میں تبدیل ہو جاتی ہے۔ اس مقام پر فیصلہ ساز یہ نہیں سوچتے کہ جنگ کیسے جیتی جائے، بلکہ یہ سوال اہم ہو جاتا ہے کہ موجودہ صورتحال سے نکلنے کا راستہ کیا ہو سکتا ہے۔
اس تبدیلی کی جھلک وائٹ ہاؤس کے بیانات اور طرزِ عمل میں بھی دیکھی جا سکتی ہے۔ مختلف ڈیڈ لائنز سے پیچھے ہٹنا، سخت دھمکی آمیز لہجے کی جگہ مذاکرات کی بات کرنا اور ثالثی کے مختلف راستے تلاش کرنا اس بات کی علامت سمجھے جا رہے ہیں کہ واشنگٹن اب واضح فتح کے منصوبے کی پوزیشن میں نہیں رہا۔
امریکی میڈیا میں شائع ہونے والی حالیہ رپورٹس میں بھی اس بات کا ذکر کیا گیا ہے کہ ڈونلڈ ٹرمپ انتظامیہ اس بحران سے باعزت نکلنے کا راستہ تلاش کرنے کی کوشش کر رہی ہے، جو اس بات کی طرف اشارہ ہے کہ پالیسی سازی کے حلقوں میں صورتحال کے بارے میں سنجیدہ غور و فکر جاری ہے۔
ایران کا غیر متزلزل موقف اور امریکی ناکامی
میدانِ عمل میں، امریکہ کی سب سے بڑی شکست یہ تھی کہ وہ ایران کے رویے میں تبدیلی لانے میں ناکام رہا۔ ابتدائی اندازوں کے برخلاف، فوجی دباؤ نے نہ تو ایران کے عزم کو کمزور کیا، بلکہ اس کے برعکس، فیصلہ سازی کی سطح پر زیادہ یکجہتی اور بحران کو سنبھالنے کی آمادگی میں اضافہ پیدا کیا۔
یہی وہ بنیادی غلطی تھی جو شروع سے اس جنگ کے ڈیزائن میں موجود تھی: یہ گمان کہ ایک فوجی جھٹکے کے ذریعے ایک پیچیدہ اور کئی تہوں پر مشتمل نظام کو تیزی سے بدل دیا جائے گا۔
اس کے ساتھ ساتھ، امریکہ میدان کی صورتحال بھی اپنے حق میں بدل نہ سکا۔ اگرچہ عسکری سطح پر امریکہ کی برتری سے انکار ممکن نہیں، لیکن اس برتری کو اسٹریٹجک سطح پر کوئی پائیدار کامیابی میں نہیں بدلا جا سکا۔
ایسی صورتحال میں جنگ طاقت کے ایک مؤثر ہتھیار کے بجائے خود ایک پیچیدہ عامل میں تبدیل ہوجاتی ہے؛ ایسی پیچیدگی جو صرف مادی وسائل ہی نہیں، بلکہ ساکھ اور بین الاقوامی حیثیت کو بھی نشانہ بناتی ہے۔
دوسری جانب، واشنگٹن کے ضمنی اہداف میں سے ایک ایران کے خلاف ایک بین الاقوامی اتحاد تشکیل دینا تھا؛ یہ ہدف بھی مکمل طور پر حاصل نہ ہو سکا۔
بہت سے بین الاقوامی کھلاڑیوں نے، خاص طور پر اس وقت جب جنگ کے اقتصادی اور سکیورٹی اخراجات بڑھنے لگے، ایک طویل اور نامعلوم انجام والی کشیدگی کا حصہ بننے میں دلچسپی ظاہر نہیں کی۔
نتیجتاً، امریکہ نہ صرف میدان جنگ میں، بلکہ سفارتی میدان میں بھی ایسی مشکلات سے دوچار ہوا جنہوں نے اس کی حرکت کی گنجائش کم کردی۔
امریکی اہداف اور عملی نتائج میں واضح فرق
اس جنگ کا سب سے بڑا نتیجہ یہ نکلا کہ امریکہ نے جو ہدف پہلے اعلان کیے تھے، وہ عملی طور پر حاصل نہیں ہو سکے۔
یہ صرف ایک معمولی جنگی غلطی نہیں، بلکہ اس بات کی علامت ہے کہ امریکہ کی بڑی طاقت ہونے کی ساکھ کمزور ہوئی ہے۔ جب کوئی بڑی طاقت اپنے ہی منصوبے پورے نہ کر سکے تو اس کا اثر فوراً دنیا بھر کے ملکوں کی سوچ اور فیصلوں پر پڑتا ہے۔
ایسے حالات میں باعزت طریقے سے نکلنا ایک اہم نعرہ بن جاتا ہے۔ بظاہر اس کا مطلب جنگ ختم کرنا ہوتا ہے، لیکن واقعی مقصد یہ ہوتا ہے کہ ناکامی کو ایک معقول فیصلے کی شکل میں پیش کیا جائے۔
امریکہ سمجھتا ہے کہ اگر وہ بغیر کسی واضح کامیابی کے جنگ سے نکل گیا تو اسے اندرونی سیاست میں بھی دباؤ کا سامنا کرنا پڑے گا اور عالمی سطح پر بھی اس کی طاقت کا تاثر متاثر ہوگا۔
اسی وجہ سے واشنگٹن اس وقت محدود فوجی کارروائیوں، سفارتی کوششوں اور میڈیا کے ذریعے بیانیہ بنانے جیسے اقدامات کو ملا کر یہ تاثر دینے کی کوشش کر رہا ہے کہ جنگ سے نکلنا اس کی کمزوری نہیں بلکہ ایک سوچا سمجھا فیصلہ ہے۔ لیکن حقیقت یہ ہے کہ زمینی حالات کو صرف الفاظ بدل کر تبدیل نہیں کیا جا سکتا۔
جب کوئی جنگ دلدل بن جائے تو اس میں مزید رہنا اخراجات اور مسائل بڑھاتا ہے، اور نکلنے کا مطلب کسی نہ کسی درجے پر ناکامی کو قبول کرنا ہوتا ہے۔ یہی وہ مشکل فیصلہ ہے جس کا سامنا اس وقت امریکہ کو ہے:
یا تو بڑھتے ہوئے اخراجات برداشت کرے، یا پھر جنگ چھوڑ کر اس کے نتائج قبول کرے۔
ایک اور اہم بات یہ ہے کہ اس جنگ نے ایران اور دوسرے عالمی کھلاڑیوں کے بارے میں امریکہ کے آئندہ فیصلوں پر بھی اثر ڈالا ہے۔ ان چالیس دنوں کے تجربے نے یہ واضح کر دیا کہ صرف فوجی طاقت سے پیچیدہ جغرافیائی اور سیاسی مسائل حل نہیں کیے جا سکتے۔
ممکن ہے کہ اس تجربے کے بعد امریکہ اپنی خارجہ پالیسی کے طریقوں پر دوبارہ غور کرے، لیکن یہ ابھی واضح نہیں کہ یہ تبدیلی کتنی گہری اور دیرپا ہوگی۔
حاصل سخن
اس جنگ سے ایک سادہ مگر اہم حقیقت سامنے آئی ہے کہ طاقت صرف اس بات میں نہیں کہ کوئی ملک جنگ شروع کر سکتا ہے، بلکہ اس میں بھی ہے کہ وہ اسے کیسے اور کب ختم کرتا ہے۔
امریکہ نے جب یہ جنگ شروع کی تو اسے لگا کہ حالات اس کے قابو میں ہیں، لیکن اب وہ ایسی صورتِ حال کا سامنا کر رہا ہے جسے سنبھالنا پہلے سے کہیں زیادہ مشکل ہو گیا ہے۔
دوسرے لفظوں میں، جو جنگ طاقت کے مظاہرے کے طور پر شروع ہوئی تھی، وہ اب اسی طاقت کی حدود کو جانچنے کا امتحان بن گئی ہے۔
اس وقت امریکہ کسی واضح فاتح کی پوزیشن میں نہیں، بلکہ ایک ایسے فریق کی حیثیت سے کھڑا ہے جو اس پیچیدہ صورتحال سے نکلنے کے لیے کم خرچ اور کم نقصان والا راستہ تلاش کر رہا ہے۔
ایسا راستہ جو بظاہر کامیابی کے طور پر پیش کیا جاسکے، مگر اس وقت حقیقت یہ ہے کہ امریکہ ایک ایسی مشکل صورتحال میں پھنس گیا ہے جہاں سے نکلنا آسان نہیں اور اس کی قیمت بھی ادا کرنی پڑے گی[2]۔
متعلقہ مضامین
- ایران
- محمد پاکپور
- علی شمخانی
- سید علی خامنہ ای
- سید مجتبی خامنهای
- سپاہ پاسداران انقلاب اسلامی
- خلیج فارس
- آبنائے ہرمز
حوالہ جات
- ↑ جنگ کے نویں دن کی رپورٹ، روزنامہ کیہان کی ویب سائٹ
- ↑ ایران کے خلاف جنگ میں امریکی کامیابی کا بیانیہ کمزور پڑنے لگا- شائع شدہ از: 25 اپریل 2026ء- اخذ شدہ بہ تاریخ:25 اپریل 2026ء