ایاد جمال الدین
| ایاد جمال الدین | |
|---|---|
 | |
| پورا نام | ایاد جمال الدین |
| دوسرے نام | ایاد رئوف محمد جمال الدین |
| ذاتی معلومات | |
| پیدائش | 1961 ء |
| پیدائش کی جگہ | نجف، عراق |
| وفات | 2026 ء |
| یوم وفات | 27 مئی |
| وفات کی جگہ | غزہ |
| مذہب | اسلام، شیعہ |
| مناصب | رکن اور نائب صدر عراقی پارلیمان از سال ۲۰۰۵ تا ۲۰۱۰ |
ایاد جمال الدین (پیدائش ۱۹۶۱) ایک عراقی سیاست دان، مذہبی رہنما اور مفکر ہیں۔ وہ حزب الاحرار سے تعلق رکھتے ہیں جو اتحاد العراقیہ کی فہرست کا بھی حصہ ہے۔ وہ ۲۰۰۵ سے ۲۰۱۰ تک صوبہ ذی قار سے عراق کی پارلیمان کے رکن کے طور پر خدمات انجام دیتے رہے۔
پیدائش
ایاد رئوف محمد جمال الدین ۱۹۶۱ میں نجف میں جنوبی عراق کے شہر ناصریہ سے تعلق رکھنے والے ایک خاندان میں پیدا ہوئے۔
تعلیم
وہ ۱۸ سال کی عمر تک عراق میں رہے اور اپنی ابتدائی اور ثانوی تعلیم عراق میں ہی حاصل کی۔ ۱۹۷۹ میں شیعوں پر صدام کے دباؤ کی وجہ سے وہ عراق چھوڑ کر سوریہ اور پھر ایران چلے گئے، جہاں انہوں نے آٹھ سال تک حوزہ علمیہ قم میں درس خارج میں شرکت کرتے ہوئے دینی علوم کے ساتھ ساتھ فلسفہ اور عرفان کی تعلیم حاصل کی۔
امارات کی طرف ہجرت
۱۹۹۵ میں دبئی کے شیعوں کی دعوت پر وہ متحدہ عرب امارات چلے گئے اور ۲۰۰۳ تک وہیں رہے، اور صدام حسین کی حکومت کے زوال کے ساتھ ہی عراق واپس لوٹ آئے[1]۔
سیاسی نظریات
ان کا ماننا ہے کہ جمہوریت کو زبردستی نافذ کیا جانا چاہیے۔ وہ مذہبی نظام یا اصطلاحاً ولایت فقیہ پر مبنی شیعہ ریاست کے قیام کی مخالفت کرتے ہیں اور ایک ایسی سیکولر ریاست کے قیام کے خواہاں ہیں جو مذہبی مراجع کی مداخلت سے پاک ہو اور اقلیتوں کی آزادی کو یقینی بنائے۔ وہ عرب حکومتوں اور عوام پر بھی تنقید کرتے ہیں، جن کے بارے میں ان کا خیال ہے کہ وہ ایک مسخ شدہ اسلام کو اپناتے ہیں جو دہشت گردی کو ابھارتا اور اس کی حمایت کرتا ہے[2]۔ وہ چار ناکام قاتلانہ حملوں سے بال بال بچے ہیں۔