مسودہ:سید مقتدی صدر

سید مقتدی صدر
ذاتی معلومات
پیدائش	1974 ء، 1352 ش، 1393 ق
یوم پیدائش	4اگست
پیدائش کی جگہ	نجف عراق
مذہب	اسلام، شیعہ
مناصب	جیش المہدی رہنم التیار الصدری کا صدر

سید مقتدی صدر ایک شیعہ عالم اور شیعہ قومی تحریک (سابقہ صدری تحریک) کے رہنما ہیں، جو عراق کی سب سے بڑی مقبول شیعہ تحریک سمجھی جاتی ہے، اور عسکری ونگز کے رہنما ہیں۔ ان کی تحریک سے وابستہ، جس کی نمائندگی مہدی آرمی(جیش المہدی)، لواء یوم الموعود اور سرایا السلام کرتے ہیں، اور اگرچہ وہ وسطی اور جنوبی عراق میں شیعہ برادری کے ایک بڑے طبقے کے رہنما ہے۔ آپ سید محمد صدر کے چوتھے بیٹے اور صدر خاندان کے سب سے مشہور زندہ بچ جانے والے ہیں۔

سوانح عمری

سید مقتدی صدر 4 اگست 1974ء نجف اشرف میں پیدا ہوئے۔ ‌ آپ شیعہ رہنما محمد صادق الصدر کے چوتھے بیٹے ہیں جن پر نے عراقی صدر صدام حسین اور اس وقت کی حکمران بعث پارٹی نے کھلے عام حملے کیے تھے۔ آپ عراق کے سب سے ممتاز شیعہ مذہبی خاندانوں میں سے ایک ہیں، ان کے دادا، محمد حسن الصدر، 1948ء میں عراق کے وزیر اعظم تھے ۔ ان کی شادی اپنے کزن محمد باقر الصدر کی بیٹی سے ہوئی ہے۔

تعلیم

انہوں نے 1988ء میں نجف کے حوزہ میں داخلہ لیا اور حوزہ علمیہ نجف اشرف سے فارغ التحصیل ہوئے۔

اساتذہ

• سید محمد صدر
• محمد حسین کلانتر
• محمد الجواہری سے بھی تعلیم حاصل کی۔

تعلیمی سرگرمیاں

اس وقت صدر دینی مدرسہ اور مدرسہ امام المہدی کے علاوہ انہوں نے اپنے والد کے دفتر سے وابستہ شریعہ حقوق کمیٹی کی ذمہ داریاں سنبھالیں، ان کی کتابیں چھاپیں، اور الہدی میگزین کے چیف ایڈیٹر بنے۔ 1991ء میں انتفاضہ شعبانیہ کے بعد ان کو حکمران حکام نے اپنے والد اور بھائیوں کے ساتھ الرضوانیہ جیل میں گرفتار کر لیا تھا۔ انہوں نے اپنے والد کی شہادت کے بعد حکام، ان کی افواج اور بعث پارٹی کی قیادت کے ہیڈ کوارٹر کو نشانہ بنانے والی مسلحانہ تحریکوں کی قیادت کی ۔

2003ء میں عراق پر امریکی قبضے اور اس کے ساتھ ساتھ امریکی فوج کے خلاف مزاحمتی کارروائیوں میں حصہ لینے کے بعد ایران کے حوزہ علمیہ قم میں چلے گئے۔ کیونکہ امریکہ اور عراقی حکومت کو آپ کو گرفتار کرنا چاہتے تھے انہون نے حوزہ قم سے حجۃ الاسلام کا لقب حاصل کر لیا ۔

سیاست سے مستعفی

انہوں نے سید کاظم حریری کے بیان کے بعد 7 شہریوار 1401ش کو اپنی سیاسی سرگرمیوں سے استعفیٰ دے دیا، انہوں نے اپنے طرفداروں سے کہا کہ وہ ان کے نام پر کوئی نعرہ نہ لگائیں اور عراقی پارلیمنٹ پر حملہ کیا گیا، ان گڑبڑ کے بعد عراقی وزیر اعظم نے الرٹ جاری کیا۔ صدر کے حامیوں کے اہم ترین ٹھکانے عراق کے جنوبی صوبوں میں واقع ہیں، خاص طور پر بغداد کے شیعہ محلے صدر ٹاؤن میں۔

سیاست سے مستعفی ہونے کے بعد مقتدیٰ صدر کے حامی سڑکوں پر نکل آئے اور عراق کو افراتفری میں ڈال دیا۔ عراقی وزیر اعظم الکاظمی نے صدر سے کہا کہ وہ عراق کو پرسکون کرنے میں مدد کریں اور اپنے حامیوں کو افراتفری اور تنازعہ پیدا کرنے کے بعد وطن واپس آنے کو کہیں، لیکن صدر نے ایسا نہیں کیا اور خاموشی سے عراقی شہروں خصوصاً بغداد میں ہونے والی لڑائی کو دیکھتے رہے۔ اس دوران، مقتدا صدر نے لوگوں کو پرسکون کرنے کے بجائے اعلان کیا کہ انہوں نے بھوک ہڑتال شروع کر دی ہے اور تنازع ختم ہونے تک جاری رہے گا ۔

فلسطین صہیونیوں کا نہیں بلکہ فلسطینی عوام کی سرزمین ہے

عراقی رہنما مقتدی صدر نے مغربی ممالک کی جانب سے فلسطین کے دو ٹکڑے کرنے کی سازشوں کی مذمت کرتے ہوئے کہا ہے کہ فلسطین صہیونیوں کا نہیں بلکہ فلسطینی عوام کا ہے۔

مہر خبررساں ایجنسی کی رپورٹ کے مطابق، عراقی سیاسی دھڑے کے سربراہ مقتدی صدر نے مغربی ممالک کی جانب سے فلسطینی مسئلے کے حل کے لئے دو ریاستی فارمولے کو مسترد کرتے ہوئے کہا کہ ہے کہ مغرب نے ہماری ذلت و خواری کی سازش کی ہے۔ ہم عراقی حکومت سے مطالبہ کرتے ہیں کہ اس میں مداخلت کرے۔

انہوں نے کہا کہ ہم حضرت محمد ص اور حضرت علیؑ کے پیروکار ہیں اور ہمارا موقف سب کے سامنے روشن ہے۔انہوں نے کہا کہ فلسطین ایک ہی ملک ہے جس کا دارالخلافہ بیت المقدس ہے۔ اس میں دوسری حکومت کا کوئی وجود نہیں ہے۔

سید مقتدی صدر نے مزید کہا کہ نہر سے بحر تک فلسطین ہے۔ صہیونی دہشت گرد اور غاصب ہیں۔ مغربی ممالک کے کسی معاہدے کو ہم تسلیم نہیں کرتے ہیں۔ انہوں نے کہا کہ اگر عراقی حکومت اس حوالے سے مداخلت نہ کرے تو مجرم ہوگی چنانچہ ہم نے سعودی عرب سے بھی اس مسئلے پر سنجیدہ اقدمات کا مطالبہ کیا ہے

علمی آثار

ان کے مختلف موضوعات پر علمی آثار ہیں ان میں سے بعض مندرجہ ذيل ہیں:

• محاضرات قرآنية.

• زيارة أمير المؤمنين فی مولد النبي.
• منهج العقيدة۔
• مشروع الإصلاح.
• نصائح عامة إلی خطباء المنبر الحسينی.
• البكاء علی الامام الحسين.
• كلمة حول المرأة.
• كلمات القائد حول التطبير.
• حاضرات عقائدية.
• في ضيافة الله.
• طريق الإصلاح.
• بحث حول التقليد.
• بحث عن الهجرة.
• زاد التقوى.
• رسائل توعوية.
• حوار قائد السلام مع جند السلام.
• حدثني الولي.
• حديث فی فضل العلم.
• توصيات فی شهر رمضان.
• حج الفقراء.
• وصايا العشر.
• الجهاد فی كلمات.
• اسأل و الصدر يجيب.
• اضواء علی اصول الدين و فروعه.
• البكاء فی الشريعة.
• حوار التيار الديني مع التيار المدني.
• رفع الشبهات.
• الصوم - زكاة الفطر - الاعتكاف.
• الهدف النبيل.
• يوم العمال فی نظر الإسلام.
• الولاية حقيقتها و مصداقها.
• نظرة قرآنية علی مفهوم الصحابة.
• آيات العطاء فی التعامل مع النساء.
• المنهج القويم فی فهم كتاب الله العظيم.
• نظرة فی ألأجتهاد والتقليد.
• نظرة حداثوية فی الأحكام الشرعية وتكاملها.
• دعوة الحق فی شهري محرم الحرام وصفر الخير۔

عرب اور مسلم ممالک پر شدید تنقید؛

عراقی صدر تحریک کے رہنما مقتدی صدر نے اسرائیلی جرائم کے خلاف عرب اور اسلامی ممالک کی کوتاہیوں پر شدید تنقید کرتے ہوئے واضح الفاظ میں کہا: "یہ ممالک اسرائیلی جارحیت اور مظالم کے سامنے خاموشی اختیار کئے ہوئے ہیں اور اپنے مفادات کی خاطر صہیونی ریاست کے ساتھ تعلقات کو معمول پر لا رہے ہیں"۔

عراقی صدر تحریک کے رہنما حجت الاسلام سید مقتدی صدر نے اس بات پر افسوس کا اظہار کیا کہ عرب اور اسلامی ممالک نہ صرف اپنے اصولوں اور حقوق سے پیچھے ہٹ رہے ہیں بلکہ وہ فلسطین اور لبنان میں بہنے والے بے گناہ خون پر بھی خاموشی اختیار کیے ہوئے ہیں۔

انہوں نے اس رویے کو شرمناک قرار دیا اور کہا: یہ ممالک اپنی کوتاہیوں اور غفلت کی وجہ سے مسلسل ٹوٹ پھوٹ اور کمزوری کا شکار ہو رہے ہیں، جبکہ دوسری طرف جہالت، غربت اور کرپشن انہیں دن بہ دن مزید تقسیم اور کمزور کر رہی ہے۔

عراقی صدر تحریک کے رہنما نے اس بات پر زور دیا کہ عرب اور اسلامی ممالک مسلسل کوتاہیوں اور لاپرواہیوں کے نتیجے میں ایک کے بعد ایک ٹوٹ پھوٹ اور کمزوری کا شکار ہو رہے ہیں۔ حوزہ نیوز ایجنسی کی رپورٹ کے مطابق، عراقی صدر تحریک کے رہنما حجت الاسلام سید مقتدی صدر نے کہا: عرب اور اسلامی ممالک جہالت، غربت، کرپشن اور اختلافات کی ہواؤں کے سبب روز بروز ٹوٹتے اور کمزور ہوتے جا رہے ہیں۔

انہوں نے اعیاد ربیع الاول کے ایام میں فلسطینیوں پر اسرائیلی جارحیت کا تذکرہ کرتے ہوئے کہا: کیا میں امت مسلمہ کو حضرت محمد مصطفیٰ صلی اللہ علیہ وآلہ وسلم کی ولادت باسعادت کی مبارکباد دوں یا لبنان اور فلسطین کے ان شہداء کے غم میں تسلیت پیش کروں جن کا خون ظالم اور دہشت گرد صہیونی-امریکی دشمن نے ناحق بہایا ہے؟۔

سید مقتدی الصدر نے مزید کہا: یا میں اسلامی امت اور ان کے ممالک کے رویوں پر شرمندگی سے اپنا سر جھکا لوں، جنہوں نے اپنے ہونٹ سی لئے، اپنے دل سخت کر لئے اور اسرائیلی دہشت گرد دشمن کے ساتھ تعلقات معمول پر لے آئے، اپنے مفادات کے لیے دشمن کا ساتھ دیا، اپنی آرزوؤں کا سودا کیا اور اپنے حقوق سے دستبردار ہو گئے؟"

انہوں نے کہا: اس وقت دین سے دوری کی وجہ سے عرب اور دیگر اسلامی ممالک ایک کے بعد ایک ناکامی اور غفلت کا شکار ہو رہے ہیں اور جہالت، غربت، کرپشن اور اختلافات کی ہوائیں ان پر حملہ آور ہو رہی ہیں، جو انہیں روز بروز ٹکڑے ٹکڑے اور کمزور کر رہی ہیں ۔

صہیونی دشمن نے ایران کے علماء پر حملہ کرنے کی جسارت کی ہے

صدر تحریک کے رہنما نے اسلامی جمہوریہ ایران میں مسلمانوں اور علماء کے خلاف جسارت اور حجاب ہٹانے کی مہم کی طرف اشارہ کرتے ہوئے کہا کہ یہ جسارتیں دوسرے ممالک میں بھی پھیل سکتی ہیں۔ حوزہ نیوز ایجنسی کی رپورٹ کے مطابق؍صدر تحریک کے رہنما مقتدیٰ صدر نے اسلام اور اس کے مقدسات کے خلاف غیر ملکی حملوں کی طرف اشارہ کیا، جن میں رسول اللہ صلی اللہ علیہ وآلہ وسلم کے خاکے بنانا، قرآن پاک کو نذر آتش کرنا، اور مغرب میں حجاب اور مسلمانوں کے خلاف جنگ شامل ہے۔ اور کہا کہ یہ ان چیلنجوں سے زیادہ خطرناک ہے جن کا اسلامی ممالک میں مذہب اور اسلام کو سامنا ہے۔

اپنے اکاونٹ پر شائع ہونے والے ٹویٹ میں انہوں نے مزید کہا کہ اسلامی ممالک میں اس مسئلے کی وجہ غیر ملکی جارحیت ہے، جس میں اسرائیلی دشمن کے ساتھ تعاون اور اتحاد اور بدعنوانی اور ہم جنس پرستوں کے ساتھ تعاون اور اس طرح کے مسائل شامل ہیں۔

صدر نے اسلامی جمہوریہ ایران میں مسلمانوں اور علماء کے خلاف جسارت اور حجاب ہٹانے کی مہم کی طرف اشارہ کرتے ہوئے کہا کہ یہ حملہ دوسرے ممالک میں بھی پھیل سکتا ہے اور عمامہ اتارنے سے لے کر باپردہ اور پاک دامن خواتین کے سر سے حجاب کو ہٹانے تک پہنچ سکتا ہے۔ صدر نے کہا کہ علماء کے لیے ضروری ہے کہ وہ دین اور اسلام کا دفاع اس انداز میں کریں جو ضروریات زندگی سے ہم آہنگ ہو ۔

امریکہ سے خطاب: "بس بھی کر او شیطان"

عراق میں الصدر پارٹی کے رہنما سید مقتدی الصدر نے کہا، "امریکہ "مونکی پوکس" وائرس پھیلانے کا ذمہ دار ہے۔ حوزہ نیوز ایجنسی کی رپورٹ کے مطابق، عراق میں الصدر پارٹی کے رہنما مقتدی الصدر نے کہا: امریکہ "مونکی پوکس" وائرس پھیلانے کا ذمہ دار ہے۔

انہوں نے مزید کہا کہ "امریکہ کو ہم جنس پرستوں کی کمیونٹی پر فخر ہے، اور اس کی اس فکر سے ہی "مونکی پوکس" وائرس پھیلا ہے، اس لیے دنیا بھر میں اس وائرس کے پھیلاؤ کا ذمہ دار امریکہ ہی ہے"۔ مقتدیٰ الصدر نے کہا: "امریکہ لوگوں کی جان، آزادی اور خوراک سے کھیلتا تھا، اور آج وہ لوگوں کی جنسیات سے کھیل رہا ہے اور ہر کسی سے اپنی بات منوانے کی کوشش کر رہا ہے، جب کہ اس کی یہ خواہش کبھی بھی پوری نہیں ہو گی۔"

انہوں نے اپنے بیان میں کہا، "امریکہ کو ہم جنس پرستوں کی کمیونٹی پر فخر ہے، جو دنیا بھر میں جسم فروشی کو بڑھاوا دے رہے ہیں اور پھیلا رہے ہیں، اور مختلف ممالک اور اقوام کو ہوس اور بدکاری کو فروغ دینے پر مجبور کر رہے ہیں۔"

الصدر پارٹی کے رہنما نے امریکہ کو دنیا بھر میں اس وائرس کے پھیلاؤ کا ذمہ دار ٹھہراتے ہوئے کہا: "امریکہ کو اس وائرس کے تمام نتائج کی ذمہ داری قبول کرنی ہوگی۔" مقتدیٰ الصدر نے کہا: یہ بڑی عجیب بات ہے کہ امریکہ بھوک، پیاس، خوف و ہراس کے شکار ممالک کی مدد کرنے کے بجائے ناجائز جنسی تعلقات پر فخر کر رہا ہے اور اسے انسانی حق قرار دیتا ہے۔

سید مقتدی صدر نے کہا، "ماحولیاتی بحران کو ختم کرنے کی کوشش کرنے کے بجائے، جو کہ ایک عالمی تباہی کی طرف اشارہ کرتا ہے، ہم جنس پرستوں کو آزادی دینے پر فخر کر رہا ہے۔" امریکہ، ٹکنالوجی کو لوگوں کے فائدے کے لئے استعمال کرنے اور دنیا کو پانی کی قلت سے بچانے کے بجائے، پوری بے حیائی کے ساتھ ایک ہوس پرستانہ خیال پر فخر کر رہا ہے۔

صدر پارٹی کے سربراہ نے امریکہ کو مخاطب کرتے ہوئے کہا: اے متکبر امریکہ، ارے او شیطان، اب بس بھی کر، اللہ مہلت تو دے گا لیکن تجھے معاف نہیں کرے گا۔ انہوں نے کہا: تمام آسمانی شریعتوں نے ہم جنس پرستی کو حرام قرار دیا ہے۔ اس کا مطلب ہے کہ یہ چیز نقصان دہ ہے اور اسے فردی آزادی کے زمرے میں شمار نہیں کیا جا سکتا ۔