سید محمد شاہچراجی
| سید محمد شاہچراجی | |
|---|---|
 | |
| ذاتی معلومات | |
| پیدائش | 1935 ء، 1313 ش، 1353 ق |
| یوم پیدائش | 21 خرداد |
| پیدائش کی جگہ | دامغان ایران |
| یوم وفات | 12 دسمبر |
| وفات کی جگہ | قم |
| اساتذہ |
|
| مذہب | اسلام، شیعہ |
| مناصب |
|
سید محمد شاہچراغیسمنان صوبہ میں ولیِّ فقیہ کے سابق نمائندے، اس شہر کے امامِ جمعہ اور ایران کی نمایاں مذہبی و سیاسی شخصیات میں شمار ہوتے تھے۔
سوانحِ حیات
آیت اللہ شاہچراغی 1313 ھ ش میں پیدا ہوئے۔ ابتدائی تعلیم مکمل کرنے کے بعد 15 برس کی عمر میں حوزۂ علمیہ دامغان میں داخل ہوئے اور اس کے بعد قم ہجرت کی۔ انہوں نے قم میں 17 سال تک تعلیم حاصل کی، پھر نائین اور سمنان منتقل ہوئے۔ 1358 ھ ش میں انہیں مہدیشہر کا پہلا امامِ جمعہ مقرر کیا گیا اور 1380 ھ ش میں صوبہ سمنان میں ولیِّ فقیہ کے نمائندے منتخب ہوئے۔
اساتذہ
ان کے اساتذہ میں
- آیت اللہ العظمیٰ بروجردی،
- حضرت امام خمینیؒ،
- آیت اللہ العظمیٰ سید محمد رضا گلپایگانی،
- آیت اللہ سید محمد محقق داماد،
- آیت اللہ مرتضیٰ حائری،
- آیت اللہ سید مصطفیٰ خمینی
- آیت اللہ جعفر سبحانی شامل ہیں، جن کے علمی فیض سے انہوں نے برسوں استفادہ کیا۔
سرگرمیاں
آیت اللہ شاہچراغی نے اپنی زندگی میں اسلامی معاشرے کے لیے متعدد خدمات انجام دیں۔ ان کی سرگرمیوں میں مہدیشہر اور سمنان میں امامتِ جمعہ، مجلسِ خبرگانِ رہبری کی رکنیت اور حوزۂ علمیہ عصمتیہ کی تأسیس شامل ہے۔ ان کی خدمات اور زندگی پر مشتمل کتاب **«آقا سید محمد»** سنہ 1402 ھ ش میں شائع ہوئی۔
وفات
بالآخر آیت اللہ سید محمد شاہچراغی 22 آذر 1404 ھ ش، بمطابق 22 جمادی الثانی، سمنان کے سینا اسپتال میں انتقال کر گئے۔
رئیسِ مجلسِ خبرگانِ رہبری کا تعزیتی پیغام
بسم اللہ الرحمن الرحیم "انا للہ و انا الیہ راجعون"
مجلسِ خبرگانِ رہبری کے سابق رکن، آیت اللہ حاج سید محمد شاہچراغیؒ کے انتقال نے گہرے رنج و غم میں مبتلا کر دیا۔ وہ شاہی حکومت کے خلاف جدوجہد کرنے والوں میں شامل تھے، جنہیں ساواک نے گرفتار کر کے قید کیا تھا۔ اسلامی جمہوریہ ایران کے قیام کے بعد انہوں نے حوزۂ علمیہ کے طلبہ کی تربیت کے ساتھ ساتھ متعدد انتظامی اور عدالتی ذمہ داریاں بھی انجام دیں۔
جن میں حاکمِ شرع کا منصب، صوبہ سمنان میں بنیادِ شہید کی ڈائریکٹر جنرل کی ذمہ داری، دو ادوار تک عوامِ سمنان کی جانب سے مجلسِ خبرگانِ رہبری کی نمائندگی، نیز مہدیشہر میں امامتِ جمعہ اور صوبہ سمنان میں ولیِّ فقیہ کی نمائندگی اور مرکزِ صوبہ میں امامتِ جمعہ شامل ہیں۔ وہ اسلامی نظام کے فعال اور خدمت گزار علماء میں شمار ہوتے تھے۔
میں اس انقلابی عالم کے انتقال پر رہبرِ معظمِ انقلاب اسلامی (مدّ ظلّہ العالی)، مجلسِ خبرگانِ رہبری کے اراکین، مرحوم کے اہلِ خانہ اور فرزندانِ گرامی، اور تمام عقیدت مندوں خصوصاً سمنان کے شریف عوام کی خدمت میں دلی تعزیت پیش کرتا ہوں اور خداوندِ متعال سے اس فقیدِ سعید کے لیے بلند درجات کی دعا کرتا ہوں[1]۔
متعلقہ تلاشیں
حوالہ جات
- ↑ آیتالله سیدمحمد شاهچراغی درگذشت- شائع شدہ از: 13 دسمبر 2026ء- اخذ شدہ بہ تاریخ: 13 دسمبر 2026ء