دانش صدیقی
| دانش صدیقی | |
|---|---|
 | |
| پورا نام | دانش صدیقی |
| ذاتی معلومات | |
| پیدائش | 1980ء |
| پیدائش کی جگہ | هند |
| وفات | 2921ء |
| وفات کی جگہ | افغانستان |
| مذہب | اسلام |
| مناصب | ایک بھارتی خبر نگار اور صحافی تھے |
دانش صدیقی (۱۹ مئی ۱۹۸۰ء – ۱۵ جولائی ۲۰۲۱ء)[1] ایک بھارتی خبر نگار اور صحافی تھے[2]۔ وہ خبر رساں ایجنسی رائٹرز کے لیے اپنی خدمات کے حصے کے طور پر پلٹزر انعام کے وصول کنندہ تھے۔ وہ ۱۵ جولائی ۲۰۲۱ء کو، افغانستان کی سیکیورٹی فورسز اور طالبان جنگجوؤں کے درمیان پاکستان کے نزدیک سپین بولدک ضلع کے سرحدی گزرگاہ کے قریب رپورٹنگ کرتے ہوئے مارے گئے[3]。
تعلیم
صدیقی نے اپنی ابتدائی تعلیم نئی دہلی کے انگلہ اسکول سے مکمل کی۔ وہ جامعہ ملیہ اسلامیہ میں داخل ہوئے اور معاشیات میں گریجویشن کیا۔ اور نیز ۲۰۰۷ء میں اسی ادارے سے مواصلات کی ڈگری حاصل کی[4]。
پیشہ ورانہ زندگی
صدیقی نے اپنے کیریئر کا آغاز ٹیلی ویژن نیوز رپورٹر کے طور پر کیا۔ وہ خبری فوٹو گرافی کی طرف مائل ہوئے اور ۲۰۱۰ء میں بطور انٹرن بین الاقوامی خبر رساں ایجنسی رائٹرز میں شامل ہو گئے۔ صدیقی نے اس کے بعد سے موصل کی جنگ (۲۰۱۶ء–۲۰۱۷ء)، اپریل ۲۰۱۵ء کے نیپال زلزلے، میانمار کی نسل کشی کی وجہ سے پناہ گزینوں کے بحران (۲۰۱۹ء–۲۰۲۰ء) کو کور کیا۔ اس کے علاوہ ہانگ کانگ کے احتجاج، ۲۰۲۰ء کے دہلی فسادات اور کووڈ ۱۹ کی وبائی بیماری، جنوبی آسیا، خاورمیانه اور اروپا کے دیگر واقعات کے درمیان ان کی خبری رپورٹنگ کے موضوعات میں شامل تھے[5]۔ ۲۰۱۸ء میں، وہ اپنے ساتھی عدنان آبیدی کے ساتھ، روہنگیا پناہ گزینوں کے بحران کی دستاویزی تصویر کشی کے لیے رائٹرز کے فوٹو گرافی اسٹاف کے حصے کے طور پر خصوصی فوٹو گرافی کا پلٹزر انعام جیتنے والے پہلے بھارتی تھے[6]۔ ان کی جانب سے ۲۰۲۰ء کے دہلی فسادات کے دوران لی گئی ایک تصویر کو رائٹرز نے ۲۰۲۰ء کی اہم تصاویر میں سے ایک کے طور پر متعارف کرایا۔ وہ پہلے هند میں رائٹرز امیج ٹیم کے سربراہ رہ چکے ہیں。
اعزازات
۲۰۱۸ء میں، وہ روہنگیا پناہ گزینوں کے بحران کی دستاویزی تصویر کشی کے لیے، عدنان آبیدی کے ساتھ خصوصی فوٹو گرافی کے پلٹزر انعام کے فاتح (رائٹرز کے فوٹو گرافی اسٹاف کے حصے کے طور پر) کے طور پر «عدنان آبیدی» کے ساتھ پہلے بھارتی کے طور پر شناخت ہوئے。
وفات
صدیقی ایک سینئر افغان افسر کے ساتھ قندھار کے سپین بولدک ضلع میں افغان سرکاری فورسز اور طالبان ملیشیا کے درمیان جنگ کی خبر کور کر رہے تھے کہ ۱۵ جولائی ۲۰۲۱ء کو طالبان فورسز کے ہاتھوں مارے گئے[7]۔ ایک افغان عہدیدار نے کہا کہ وہ طالبان فورسز کی فائرنگ میں مارے گئے۔ طالبان نے اس دعویٰ کی تردید کی اور اس خبر نگار کی ہلاکت پر افسوس کا اظہار کیا[8]。
ردعمل
بھارت: بھارت کے وزیر خارجہ «شرینگلا» نے سازمان ملل کی سلامتی کونسل کے اجلاس میں طالبان کے اقدامات کی مذمت کی[9]۔ وزیر اطلاعات اور براڈکاسٹنگ «انوراگ ٹھاکر» نے اپنے افسوس کا اظہار کیا۔ ایالات متحده آمریکا: محکمہ خارجہ ایالات متحده کی پرنسپل ڈپٹی سپوکس پرسن «جالینا پورٹر» نے اس واقعے کو «بڑا نقصان» قرار دیا۔ افغانستان: افغانستان کے صدر اشرف غنی نے صحافیوں اور میڈیا کارکنوں کی جان کے تحفظ پر زور دیتے ہوئے اس واقعے کو صدمہ انگیز اور افسوسناک قرار دیا。