امام خمینی میموریل ٹرسٹ کرگل انڈیا
24جولائی 1989کو امام خمینی میوریل ترسٹ کا قیام عمل میں لایا گیا۔ اس ٹرسٹ نے اپنی کارکردگیوں کی شروعات کے طور پر ایک سیمنار حسینی کا اہتمام کیا گیا جس میں کرگل کے تمام علماء کو شرکت کی دعوت دی گئی۔ [1]۔
اغراض و مقاصد
- امام خمینی میموریل ٹرسٹ ایک فلاحی ادارہ ہوگا۔ ٹرسٹ اسلامی اصولوں پر کاربند رہتے ہوئے شریعت محمدی کو تمام امورات کے لیے اپنا میزان اور محور قرار دے گا، اور بانی انقلاب اسلامی حضرت امام خمینی کی الہی تحریک کا پروردہ اور ان کے جد و جہد کا ثمرہ مانتے ہوئے ان کے ارشادات و ہدایات کو اپنا مشعل راہ قرار دیتی ہے اور امام زمان علیہ السلام کو اپنا حقیقی اور معنوی سرپرست تصور کرتی ہے۔
- امام خمینی میموریل ٹرسٹ کے اغراض و مقاصد لا محدود ہونگے اور اپنے بساط اور وسعت وسائل کو مد نظر رکھتے ہوئے کسی بھی فلاحی کام فروغ دینا، علاقائی سطح پر اسلامی اخلاق و آداب کی ترویج، لوگوں کی عادات و اطوار، رہن سہن کی اصلاح، شادی بیاہ اور دیگر مراسم میں غیر اسلامی رواجوں کا خاتمہ، عام لوگوں میں آپس میں بھائی چارہ اور ہمدردی کو فروغ دینا، مذہبی و سیاسی امور میں شہریوں اور دیہاتوں کے درمیان اتحاد و یک جہتی اور ہم آہنگی پیدا کرنا۔
- اسلامی اقدار و ثقافت کو فروغ دینا، علاقائی اور قومی تشخص کی برقراری اور ہر مشکل وقت میں صبر و استقامت اور پائیداری کے ساتھ ان کی تحفظ کے لیے ذہنی، فکری و جسمانی استعداد پیدا کرنا۔
- عہد ماضي کی غربت، افلاس، پسماندگی اور علاقائی محدودیت کے زیر اثر پیدا شدہ فرسودہ افکار و خیالات، عادات و اطوار میں انقلابی انداز سے تبدیلی لانے جدید وسائل کو بروئے کار لانا۔
- عہد ماضی کی ادبی، ثقافتی اور تہذیبی آثار و نقوش کو کتابوں اور دیگر وسائل کے ذریعے نسل آئندہ کے لیے محفوظ کرنا، علاقے کی اقتصادی پسماندگی و بدحالی کو ختم کرنے کے لیے حتی الامکان جد و جہد کرنا۔
- یتیم و بے سہارا اور غربت کے مارے ہوئے بچوں کے لیے مفت تعلیم دینے اور تعلیمی مراکز میں بہتری لانے کی ہر ممکن کوشش کرنا۔
- سال یوم تاسیس، یوم خواتین، برسی امام، ہفتۂ وحدت، یوم مستضعفین اور یوم القدس جیسے اسلامی عالمی دنوں کو منانے کے لیے خصوصی اہمیت دینا [2]
کارکردگی
- شہید مطہری پبلک سکول کا قیام: 12 اپریل 1984 کو سید حسین موسوی صدر مدرسہ اثنا عشریہ کرگل کے ہاتھوں علماء، مقامی سرکاری افیسران انتظامیہ اور بچوں کے والدین کے روبرو انقلاب منزل کرگل کے احاطہ میں آیت اللہ شہید مطہری کے نام پر ایک اسکول کا قیام عمل لایا تذکرۂ ترکستان، ص215
- تشکیل بسیج امام، زینبیہ و بسیج روحانی: مختلف قومی مسائل کے ساتھ ساتھ اچانک درپیش ہونے والے سانحات کے وقت عام لوگوں کو امداد پہنچانے کے لیے جوانوں پر مشتمل ایک تنظیم بسیج امام کے نام سے اور امور خواتین سر انجام دینے، اعیاد و وفایات کو خواتین خود انجام دینے کے لیے خواتین پر مشتمل ایک تنظیم بسیج زینبیہ کے نام سے اور مذہبی مسائل کے حل و عقد کے لیے علماء اور روحانیوں پر مشتمل ایک تنظیم بسیج روحانی کے نام پر قائم کیا گیا۔ تذکرۂ پرکستان، ص294-295۔