"صالح عاروری" کے نسخوں کے درمیان فرق

== حماس کا ردعمل ==

ان کی شہادت کے بعد اسلامی مزاحمتی تحریک حماس کے سیاسی دفتر کے سربراہ [[اسماعیل ہنیہ|اسماعیل ھنیہ]] نے حماس کے سیاسی دفتر کے نائب سربراہ مجاہد رہنما صالح عاروری اور سمیر فندی اور عزام العقرہ کی شہادت پر تعزیت کی۔ قسام  کے دو کمانڈروں نے اس بات پر زور دیا کہ شہید صالح عاروری کی قاتلانہ کارروائی نے ہر جگہ فلسطینی عوام کے خلاف قابض حکومت کی بربریت کو ثابت کر دیا۔ حماس کے رہنما نے واضح کیا کہ تحریک حماس میں شہید عاروری اور ان کے دیگر بھائیوں کا قتل مکمل طور پر دہشت گردی کی کارروائی اور لبنان کی ارضی سالمیت کی خلاف ورزی ہے۔ اسماعیل ہنیہ نے کہا کہ صیہونی دشمن فلسطینی قوم کے عزم اور مزاحمت کو کچل نہیں سکے گا۔ انہوں نے مزید کہا: عاروری اور ان کے بھائیوں کا خون [[غزہ پٹی|غزہ کی پٹی]]، مغربی کنارے اور بیرون ملک جنگ قدس اور [[طوفان الاقصیٰ|طوفان الاقصی]]  میں فلسطینی قوم کے ہزاروں بچوں کے خون سے ملا ہوا تھا۔ ہنیہ نے اس بات پر زور دیا کہ قربانی، جہاد، مزاحمت اور فلسطین کے لیے کام کرنے سے بھرپور زندگی گزارنے کے بعد شیخ صالح عاروری اور ان کے بھائی شہید ہوئے اور اس  کٹھن راستے میں اپنی اعلیٰ آرزوؤں تک پہنچے۔ اور انہوں نے مضبوط آدمیوں کو تربیت دی جو ان کے بعد جھنڈا اٹھائیں گے اور آزادی اور واپسی تک ہماری قوم، زمین اور مقدسات کا دفاع کرنے کے لیے خدا کی مدد سے اس طرح جاری رکھیں گے۔ انہوں نے واضح کیا: وہ تحریک جس کے قائدین اور بانی فلسطینی قوم کی عزت کے لیے شہید ہوئے وہ کبھی ناکام نہیں ہوگی اور یہ قتل و غارت اس کی قوت اور عزم میں اضافہ کرتی ہے۔