سید صفدرحسین نجفی

سید صفدر حسین نجفی 1932 میں پاکستان کے صوبہ پنجاب کے ضلع مظفر گڑھ کی تحصیل علی پور میں پیدا ہوئے۔ وہ سید غلام سرور نقوی کے فرزند ہیں جن کا تعلق نقوی سادات کے خاندان سے ہے۔ وہ سید جلال الدین سرخپوش بخاری سے تعلق رکھتے تھے، جو امام علی نقی علیہ السلام کی نسل سے تھے.ایران کے اسلامی انقلاب کو پاکستان میں متعارف کروانے میں آپ نے اہم کردار ادا کیا۔ جب امام خمینی کو پاکستان میں کوئی نہ جانتا تھا تو آپ نے لوگوں کو ان کے نظریات اور انقلابی تحریک سے روشناس کروایا۔

سید صفدرحسین نجفی
پورا نام	سید صفدرحسین نجفی
دوسرے نام	سید صفدر حسین نقوی نجفی (محسن ملت)
ذاتی معلومات
پیدائش	1932 ء، 1310 ش، 1350 ق
پیدائش کی جگہ	علیپور،پاکستان
وفات	1989 ء، 1367 ش، 1409 ق
وفات کی جگہ	لاہور،، پاکستان
مذہب	اسلام، شیعہ
مناصب	صدر مدرس جامعۃ المنتظر اسلامی تحریک پاکستان کے بانی اور رہنما تحریک جعفریہ کے نائب صدر

سوانح حیات

سید صفدر حسین نجفی نے دینی علوم کے حصول کا آغاز سات سال کی عمر میں حوزہ علمیہ ملتان سے کیا۔ جہاں آپ کے چچا، نامور عالم دین سید محمد یار شاہ نقوی نجفی سے کسب فیض کرنے کے علاوہ مختلف دینی مدارس سے بھی آپ نے استفادہ کیا جن میں مدرسہ خانیوال اور مدرسہ باب العلوم کے علاوہ ملتان میں اہل سنت کا ایک مدرسہ بھی شامل ہے۔ سنہ 1947ء سے 1950ء تک درسِ نظامی کیلئے مدرسہ صادقیہ خانپور مظفر گڑھ، مدرسہ خان گڑھ اور مدرسہ باب النجف جاڑا، ڈی آئی خان میں تعلیم حاصل کرتے رہے۔ سنہ 1950ء کو آپ اعلی تعلیم کے حصول کے لئے نجف اشرف چلے گئے ۔

اساتذہ

پاکستان کے مختلف مدارس میں آپ نے مختلف اساتذہ سے علم حاصل کیا۔ آپ نے تفسیر انوار النجف کے مصنف حسین بخش جاڑا نجفی سے تفسیر کا درس پڑھا۔ جبکہ سید یار شاہ نقوی اور سید محمد باقر نقوی چکڑالوی المعروف علامہ باقر ہندی بھی آپ کے اساتذہ میں شمار ہوتے تھے۔ سید صفدر حسین نجفی نے حوزہ علمیہ نجف میں محمد علی افغانی، اختر عباس نجفی، سید ابو القاسم رشتی، شیخ محمد تقی آل راضی نیز مراجع تقلید میں سے محسن الحکیم و سید ابوالقاسم خوئی کی شاگردی اختیار کی.

شاگرد

آپ کے شاگردوں میں پاکستان کے بہت سارے علما شامل ہیں۔ ان میں سے مندرجہ ذیل شخصیات قابل ذکر ہیں:

• بشیر حسین نجفی
• سید عارف حسینی
• حافظ سید ریاض حسین نجفی
• سید ضیاء الدین رضوی

اجازت نامہ

انہوں نے آقا بزرگ تہرانی سے نقل حدیث کی اجازت حاصل کی اور اسی طرح امام خمینی سے وجوہات شرعیہ صَرف کرنے کی اجازت بھی حاصل کی ۔

سیاسی سرگرمیاں

وه امامیہ اسٹوڈنٹس آرگنائزیشن، اور تحریک جعفریہ کے بانی علما میں سے تھے۔[جبکہ امامیہ آرگنائزیشن، وفاق علما شیعہ پاکستان اور دیگر قومی تنظیموں کو محسن ملت کی سرپرستی حاصل رہی ہے۔ انہوں نے قائدین ملت جعفریہ مفتی جعفرحسین، شہید عارف حسین الحسینی اور ساجد علی نقوی کے انتخاب میں کلیدی کردار ادا کیا ۔

مفتی جعفر حسین کے دور قیادت میں آپ تحریک نفاذ فقہ جعفریہ پاکستان کے مرکزی نائب صدر رہے .

تحریک جعفریہ پاکستان کا سیاسی امور میں حصہ لینے یا نہ لینے کے بارے میں تجاویز پر مشتمل کتابچہ «تحریک کا سیاسی سفر» کے تدوین میں آپ کا کلیدی کردار رہا اور تبدیلی کا منشور بھی آپ نے پیش کیا جسے «ہمارا راستہ» کے نام سے یاد کیا جاتا ہے۔ وفاق العلما الشیعہ پاکستان کی بنیاد رکھی ملک بھر میں صوبہ ڈویژن ضلع اور تحصیل تک یونٹ قائم کیے مرکزی کابینہ تشکیل دی گی

اولاد

علامہ موصوف کی تمام اولاد(بیٹے اور بیٹیاں) دینی ودنیاوی علوم سے آراستہ ہیں۔

• سید علی نقی نقوی
• سید محمد تقی نقوی
• سید حسن عسکری نقوی
• سید حسین علی نقوی
• سید محمد علی نقوی

دینی مدارس

جامعہ علمیہ (کراچی)، جامعہ الرضا (روھڑی، سکھر)، جامعہ امام حسین (خانقاہ ڈوگراں شیخوپورہ) ،جامعہ نقویہ (آزاد کشمیر)، جامعہ فاطمیہ (رینالہ خورد،اوکاڑہ)، مدرسہ رضویہ (صالح پٹ،سکھر)، جامعہ قرآن وعترت (نارووال)، جامعہ مھدویہ (ٹوبہ ٹیک سنگھ)، جامعہ الزہراء برائے طالبات (ٹوبہ ٹیک سنگھ)، جامعہ آل محمد (جن پور،رحیم یار خان)، جامعہ رضویہ عزیزالمدارس (چیچہ وطنی،ساہیوال)، جامعہ مرتضویہ (وہاڑی)، جامعہ امام سجاد (جھنگ)،جامعہ آیت اللہ خوئی (شورکوٹ،جھنگ)، مدرسہ مدینۃالعلم (قلعہ ستار شاہ،شیخوپورہ)، حوزہ علمیہ بقیۃاللہ(لاہور)، جامعۃالزہراء۔ طالبات ( لاہور)، مدرسہ ولی عصر (سکردو )، جامعہ مدینۃالعلم (چوھنگ، لاہور)، جامعہ مدینۃالعلم (بھارہ کہو،اسلام آباد)، مدرسہ محمدیہ (جلال پورجدید،سرگودھا)، دارلہدٰی محمدیہ (علی پور،ضلع مظفر گڑھ)، مدرسہ امام المنتظر (جتوئی، ضلع مظفر گڑھ)، جامعہ خاتم النبیین (کوئٹہ)، مدرسہ جعفریہ (جنڈ، ضلع اٹک)، جامعہ اہل بیت (ڈیرہ مراد جمالی، بلوچستان)، مدرسہ فیضیہ (جعفرآباد، ب لوچستان)، مدرسہ علویہ نعیم الواعظین ( ساہیوال)،جامعہ مدینۃالعلم (تریٹ، مری)

کتب

تراجم

• تفسیر نمونہ، ترجمہ کتاب تفسیر نمونہ، تالیف مکارم شیرازی 27 جلدیں
• اسلام کا دائمی منشور ترجمہ تفسیر موضوعی قرآن، منشور جاوید تالیف جعفر سبحانی 14 جلدیں آخری ترجمہ برای ملت
• پیام قرآن، ترجمہ تفسیر موضوعی قرآن، پیام قرآن تالیف مکارم شیرازی 15 جلدیں
• توضیح المسائل، ترجمہ توضیح المسائل امام خمینی، 1969
• حکومت اسلامی، ترجمہ دروس آیت‌اللہ خمینی
• الارشاد، ترجمہ کتاب الارشاد تالیف شیخ مفید
• سعادت الابدیہ، ترجمہ کتاب بنام مقامات العلیاء تالیف خاتم المحدثین علامہ شیخ عباس قمی؛ موضوع اخلاق
• معادن الجواہر، ترجمہ کتاب تالیف علامہ شیخ محمد علی کراجکی، موضوع اخلاقیات
• رسالۃ المواعظ، ترجمہ کتاب تالیف شیخ عباس قمی
• ارشاد القلوب، ترجمہ کتاب تالیف شیخ محمد علی دیلمی
• عقائدامامیہ، ترجمہ کتاب تالیف علامہ شیخ رضا المظفر ترجمہ
• شیعہ دوازدہ امامی و اہل بیت، ترجمہ کتاب تالیف علامہ شیخ محمد جواد
• احسن المقال، ترجمہ کتاب منتہی الامال تالیف محدث قمی، 4 جلدیں
• تذکرۃ الخواص، ترجمہ کتاب تذکرة الخواص تالیف علامہ سید بن جوزی
• السقیفہ.

تصانیف

• عرفان المجالس، جلداول و جلد دوم
• اسلامی جمہوریہ ایران پر اعتراضات کے جوابات دین و عقل کی روشنی میں
• حدود و تعزیرات
• یزیدی فرقہ
• مناسک حج
• کتاب زیارات
• جہاد اکبر
• انتخاب طبری
• مبادی حکومت اسلامی
• دین حق عقل کی روشنی میں
• سیرت ائمہ، 12 جلد اریخ امامان معصومان
• حقوق و اسلام
• چہل حدیث