عید مبعث کی مناسبت پر رہبر معظم کا خطاب
تمام عزیز بھائیوں اور بہنوں کو جو یہاں موجود ہیں، پوری ایرانی قوم کو، اور پوری دنیا کے مسلمانوں اور تمام اہل حق کو عید مبعث کی مبارکباد پیش کرتا ہوں۔ ان شاء اللہ یہ دن دلوں کو روشن کرے، ہمیں راستہ دکھائے، اور ہم مبعث کی حقیقت سے فائدہ اٹھا سکیں۔
یوم مبعث کی اهمیت
رسول اکرم (ص) کا یوم بعثت ایک بہت اہم دن ہے؛ درحقیقت تاریخِ انسانیت میں اس سے زیادہ اہم کوئی دن نہیں ہے۔ یوم بعثت، دراصل، قرآن کی پیدائش کا دن ہے؛ ایک ایسا قرآن جو سراپا حکمت اور سراپا نور ہے؛ امیرالمومنین (ع) کے تعبیر کے مطابق، یہ “روشن نور” کا دن ہے (النور الساطع)۔ یہ یومِ تربیتِ انسان کامل ہے؛ یعنی اس دن سے، انسانِ کامل کی تربیت کا منصوبہ بندی کا راستہ کھلا جو ائمہ ہدیٰ (ع) کی ذات میں اپنی انتہا کو پہنچتا ہے۔ یہ یومِ نقشۂ تمدن اسلامی کا دن ہے؛ یعنی اس دن دراصل اسلامی تہذیب کا آغاز ہوا اور اس کا عظیم، تاریخی اور پائیدار نقشہ جو آج بھی میرے اور آپ کے لیے دستیاب ہے، اس روز عالمِ وجود میں آیا۔ اور یہ یومِ پرچمِ عدل، برابری اور بھائی چارے کو بلند کرنے کا دن ہے، اور اسی طرح کے دیگر فضائل۔ ہم مبعث کے فضائل کو بیان نہیں کر سکتے؛ یعنی ہماری سمجھ، ہماری زبان، ہمارا دل اس سے کہیں زیادہ چھوٹا اور عاجز ہے کہ ہم پیغمبر کے بعثت کی اہمیت بیان کر سکیں۔ ہاں، امیرالمومنین بیان کر سکتے ہیں، اور انہوں نے بیان کیا ہے۔ آپ نہج البلاغہ کا مطالعہ کریں؛ خطبہ نمبر دو نہج البلاغہ پیغمبر کی بعثت کے بارے میں ہے کہ [خدا نے] انہیں کس طرح اور کن حالات میں مبعوث کیا؛ یہ معنی نہج البلاغہ کے دیگر خطبوں میں بھی مذکور ہے۔
مبعث حقیقی انسانیت کا مظهر
میں بعثت کے بارے میں صرف ایک نکتہ عرض کرنا چاہتا ہوں جو آج ہمارے لیے سب سے زیادہ کارآمد ہے، اور وہ یہ ہے کہ پیغمبر کا مبعث ہونا، حقیقی انسانیت کا مظہر ہے۔ یعنی اگر انسانیت بہترین طریقے سے زندگی گزارنا چاہے، تو اسے اس پروگرام کے مطابق زندگی گزارنی چاہیے جو بعثت میں پیش کیا گیا [زندگی گزارنی چاہیے]؛ اسی پروگرام سے وہ اچھی زندگی گزار سکتی ہے۔
بعثت کا تاریخ پس منظر
لیکن یہ واقعہ، یہ رونما ہونے والی چیز، کہاں پیش آئی؟ بعثت کہاں اور کن حالات میں [واقع ہوئی]؟ بعثت انتہائی تصور کے قابل بدترین حالات میں واقع ہوئی؛ ایسے لوگوں کے درمیان جو اخلاقیات، عملیات، فکر اور دل کے لحاظ سے اس زمانے کے معاشروں میں بدترین، بدبخت ترین، ضدی ترین، عصبی ترین، ظالم ترین، اور زبردست ترین سمجھے جاتے تھے؛ عرب کا حال ایسا تھا۔ امیرالمومنین (ع) اس زمانے کے حالات کے بارے میں فرماتے ہیں کہ “فالہدی خامِلٌ وَ العَمَى شامِل”؛ (1) ہدایت کی مشعل مکمل طور پر بجھی ہوئی تھی، یعنی عالم وجود کی پاکیزہ حقائق کی طرف کوئی ہدایت موجود نہیں تھی؛ وَ العَمَى شامِل؛ اور یہ کوری (جہالت) عام تھی؛ یعنی امیرالمومنین نے مکہ اور مدینہ کے لوگوں اور ان علاقوں کی ایسی تصویر کشی کی جہاں پیغمبر مبعوث ہوئے تھے۔ وہ نادان تھے، جاہل تھے، ضدی تھے، متعصب تھے، فاسد تھے، متکبر تھے—ان میں موجود تمام پلید صفات کے ساتھ تکبر بھی تھا—ظالم تھے، ان کے درمیان طبقاتی فرق تھا۔ ان کا بڑا بھی برا تھا، چھوٹا بھی برا تھا؛ ظالم بھی، مظلوم بھی، غلام بھی، آقا بھی۔ ایسے ماحول میں مبعث وجود میں آیا، اسلام پیدا ہوا، قرآن نازل ہوا؛ ایسے ماحول میں۔
خیر، اسلام عقل اور ایمان کی بنیاد پر ہے۔ اسلام کے تمام پروگراموں کو عقل اور ایمان سے پرکھنا، سمجھنا اور ان پر عمل کرنا چاہیے۔ ان لوگوں میں نہ عقل تھی، نہ ایمان۔ پیغمبر اس معاشرے میں داخل ہوئے؛ یعنی انہوں نے ان لوگوں کے سامنے یہ الٰہی بیانات، وحی الٰہی، کلام خدا کی تلاوت کی اور تیرہ سال کی مدت میں — جو تیرہ سال طویل مدت نہیں ہے — انہی لوگوں میں سے عمار پیدا کیا، ابوذر پیدا کیا، مقداد پیدا کیا؛ انہی لوگوں میں سے!
مدرسه اسلام
ایک استاد ایک ایسے کلاس میں داخل ہو جہاں بچے سب لاابالی، بے وقوف، بے توجہ، بے استعداد، درس میں عدم دلچسپی رکھنے والے ہوں، پھر وہ ایک مقررہ مدت میں صاف ستھرے، تیار، باسوخت، سمجھدار بچے تیار کر لے؛ آپ اس کا تصور کریں، اسے ہزار گنا بڑھا دیں، تو پیغمبر کے مبعث اور مکہ کے حالات بنتے ہیں؛ یعنی اسلام کی قوت، دینِ الٰہی کی قوت، احکام اور معارفِ الٰہی کی قوت اتنی ہے کہ وہ ایسے انسانوں سے، ایسی بے نظیر شرافتیں وجود میں لا سکتی ہے۔ ابوذر کوئی معمولی انسان نہیں ہے۔ یہی ابوذر دور جاہلیت میں ایسا تھا، عمار ایک اور طرح سے، دوسرا ایک اور طرح سے۔
یہ بات آج ہمارے لیے اہم ہے۔ میں یہ دعویٰ کرنا چاہتا ہوں، کہنا چاہتا ہوں کہ آج بھی اسلام میں یہی قوت موجود ہے۔ آج انسانی معاشرے انہی صفات میں مبتلا ہیں، البتہ دوسرے ادبیات میں، دوسرے طریقوں سے؛ وہی ظلم آج بھی ہے؛ وہی تکبر آج بھی ہے؛ وہی فساد آج بھی ہے۔
دنیا میں فساد اور ظلم کی بڑتی هوی شرح
آپ نے گزشتہ چند مہینوں میں دنیا کی خبروں میں سنا ہو گا: فساد کا جزیرہ بنانا؟ کیا یہ مذاق ہے؟ اخلاقی فساد، عملی فساد، ظلم، زبردستی، مداخلت، جس پر ہاتھ پڑتا ہے، اسے مارتے ہیں؛ جہاں بھی چانس ملتا ہے، قبضہ کرتے ہیں؛ انسان وہی ہے، البتہ اس کے ادبیات بدل گئے ہیں، اس کا ظاہری حلیہ بدل گیا ہے۔ آج وہ عطر، ٹائی، کوٹ، پینٹ اور خوبصورت لباس پہن کر میدان میں آتا ہے؛ وہ وہی ہیں، کوئی فرق نہیں آیا۔ آج انسانیت—البتہ یہ جو میں کہہ رہا ہوں یہ پوری انسانیت کا حال نہیں ہے—بہت سے معاشروں میں، خاص طور پر مغربی معاشروں میں، اس آفت میں مبتلا ہیں؛ حق تلفی ہو رہی ہے، کمزوروں کو مارا جا رہا ہے۔
وہی ابوجہل آج بھی موجود ہے، وہی ابن مغیرہ مخزومی آج بھی موجود ہے۔ “إِنَّهُ فَكَّرَ وَقَدَّرَ” ابن مغیرہ کے بارے میں ہے؛ إِنَّهُ فَكَّرَ وَقَدَّرَ * فَقُتِلَ كَيْفَ قَدَّرَ؛ “قُتِلَ” یعنی اس پر موت ہو۔ “فَقُتِلَ كَيْفَ قَدَّرَ * ثُمَّ قُتِلَ كَيْفَ قَدَّرَ * ثُمَّ نَظَرَ * ثُمَّ عَبَسَ وَبَسَر” (2) آخر آیاتِ مبارکہ تک۔ آج بھی وہی لوگ موجود ہیں؛ وہی لوگ ہیں جو لاکھوں انسانوں پر حکومت کر رہے ہیں، اور اپنے پیچھے والوں کو بھی جہنم کی طرف لے جا رہے ہیں۔ قرآن میں فرعون کے بارے میں فرمایا گیا ہے: يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّار؛ (3) فرعون قیامت دن، جیسا کہ دنیا میں اپنے لوگوں کا رئیس تھا، وہاں بھی رئیس اور رہنما ہوگا؛ اسے جہنم کی طرف بھیجا جائے گا اور اس کے پیچھے والوں کو بھی جہنم میں پھینک دیا جائے گا۔ یہ لوگ خود جہنم کی طرف جا رہے ہیں، یہ لوگ حقیقت اور ملکوت کے اعتبار سے خود جہنم میں ہیں، اور اپنے لوگوں کو بھی جہنم کی طرف لے جا رہے ہیں۔ یہ آج کی دنیا ہے۔
اسلام کے پیغام کا اثر
اسلام وہی اسلام ہے؛ یہ اسلام آج کی دنیا کو ایک سے دوسری حالت میں تبدیل کر سکتا ہے؛ یہ کر سکتا ہے۔ ہم کر سکتے ہیں—ہم، ضروری نہیں کہ صرف میں اور آپ—اسلام کے ماننے والے، اسلام پر یقین رکھنے والے، اسلام کے مومن دنیا کو فساد کی ڈھلوان سے نکال کر صلاح، نجات اور شرافت کی بلندیوں کی طرف کھینچ سکتے ہیں؛ وہ جہنم کے راستے سے نکال کر جنت کی طرف لا سکتے ہیں؛ آج بھی یہ ممکن ہے۔ آج بھی یہ ممکن ہے، البتہ ایک شرط ہے: وَلَا تَهِنُوا وَلَا تَحْزَنُوا وَأَنْتُمُ الْأَعْلَوْن؛ “أَنْتُمُ الْأَعْلَوْن” کا مطلب یہی ہے: آپ دنیا کو اپنے پیچھے چلنے پر مجبور کر سکتے ہیں؛ لیکن کب؟ “إِنْ كُنْتُمْ مُؤْمِنِينَ”؛ (4) ایمان ضروری ہے۔ خیر، الحمدللہ ہمارا ایمان ہے، خدا کا شکر ہے، لیکن یہ ایمان ابوذر بنانے والا ایمان نہیں ہے؛ ہمیں اپنے عمل کو درست کرنا ہوگا، اپنے کام کو درست کرنا ہوگا، اپنے دل کو درست کرنا ہوگا۔ اگر ہم یہ کام کرنے میں کامیاب ہو گئے، قرآن کی نصیحت پر، اسلام کی نصیحت پر، پیغمبر کی نصیحت پر کان دھریں، نہج البلاغہ کو اہمیت دیں اور اس پر عمل کریں، تو ہمارے پاس بھی وہی ہوگا جو اس دن پیغمبر کے پاس تھا، ہم بھی وہی کام کر پائیں گے جو پیغمبر نے اس دن کیا؛ ہم دنیا کو صلاح کی طرف واپس موڑ سکتے ہیں؛ ان ہی نااہل لوگوں کے زیرِ تسلط معاشروں کو ترقی یافتہ، انسان ساز معاشروں میں تبدیل کیا جا سکتا ہے، اگر ان شاء اللہ “إِنْ كُنْتُمْ مُؤْمِنِينَ” کی شرط پوری ہو جائے۔ ہمیں احتیاط کرنی چاہیے، جو ہم جانتے ہیں اس پر عمل کریں، گناہوں سے پرہیز کریں۔ آج ہمارا ایمان ابوذر بنانے والا ایمان نہیں ہے۔ البتہ خوش قسمتی سے اسلامی جمہوریہ میں، انفرادی سطح پر، ابوذر جیسے لوگ ہمیں ملے ہیں؛ [جیسے کہ] یہی عظیم، مشہور اور بعض تو گمنام شہداء؛ یہ لوگ موجود ہیں، لیکن معاشرے کو تبدیل ہونا چاہیے، صلاح کو پورے معاشرے پر حاوی ہونا چاہیے۔
خیر، یوم مبعث ایسا ہی دن ہے، ایسا ہی ایمان پیش کیا گیا اور جنہوں نے اسے قبول کیا، ان میں امیرالمومنین (ع) تھے؛ علی بن ابی طالب (ع) نے اس ایمان کو قبول کیا، جناب خدیجہ نے اسے قبول کیا؛ سب سے پہلے یہی لوگ تھے، دوسرے نہیں تھے۔ تو یہ تو بعثت کے بارے میں تھا جو میں نے عرض کیا۔
حالیه فتنے پر تبصره
میں چند جملے حالیہ فتنے کے بارے میں عرض کرنا چاہتا ہوں۔ ایک فتنہ برپا ہوا، جس نے لوگوں کو کچھ پریشان کیا، تکلیف دی، ملک کو نقصان پہنچایا—یہ فتنہ ہے—پھر اللہ کی توفیق سے، عوام کے ہاتھوں اور وقت شناس اور ماہر ذمہ داروں کے ذریعے، الحمدللہ یہ فتنہ دب گیا۔ ہمیں فتنے کو پہچاننا چاہیے۔ میں یہاں چند باتیں عرض کرنا چاہتا ہوں: اوّل یہ کہ فتنے کی ماہیت کو سمجھیں؛ یہ فتہ کیا تھا، یہ کیوں پیدا ہوا؟ دوم یہ کہ اس فتنے کے عوامل کون تھے، کون لوگ تھے؟ جب آپ ظاہری طور پر دیکھتے ہیں تو ایک نوجوان ہوتا ہے، لیکن اصل معاملہ کیا ہے؟ تیسری بات یہ ہے کہ ہمارے دشمن نے جو ہمارے ساتھ کیا، اس کے مقابلے میں ہمارا موقف کیا ہے اور ہم کیا کریں گے؟ میں چند باتیں مختصر عرض کرتا ہوں۔
فتنے کی حقیقت
اوّلاً: فتنے کی ماہیت۔ یہ ایک امریکی فتنہ تھا۔ یہ واضح تھا؛ امریکیوں نے منصوبہ بندی کی، سرگرمیاں کیں۔ امریکیوں کا ہدف—میں یہ بات چوالیس سالہ تجربے کی بنیاد پر جمہوری اسلامی میں قطعیت اور صراحت سے عرض کرتا ہوں—ایران کو نگل جانا ان کا هدف ہے۔ اس ملک پر جو غلبہ ان کا تھا، وہ عوام، نوجوانوں اور ملک کے ہر فرد کے ہاتھوں، اور امامِ بزرگوار کی قیادت میں ختم ہو گیا؛ اور انقلاب کے آغاز سے آج تک، یہ لوگ یہ سوچ رہے ہیں کہ اس غلبے کو واپس لایا جائے؛ یعنی ایران کو دوبارہ اپنی فوجی تسلط، اپنی سیاسی تسلط، اپنی اقتصادی تسلط کے تحت لایا جائے؛ ہدف یہی ہے۔ یہ موجودہ امریکی صدر (5) سے متعلق نہیں ہے؛ یہ اس شخص سے متعلق نہیں جو اب صدر ہے؛ یہ امریکی پالیسی سے متعلق ہے۔ امریکی پالیسی یہ ہے کہ اس خصوصیات والے ملک کو، ایک ایسے حساس جغرافیائی مقام پر، ان سہولیات، اس وسعت، اس آبادی کے ساتھ، وہ برداشت نہیں کر سکتے؛ ایسا ملک، جو مختلف شعبوں میں سائنسی اور ٹیکنالوجی کے حوالے سے ترقی کر رہا ہے، امریکیوں کے لیے قابل برداشت نہیں ہے۔ وہی “إِنَّهُ فَكَّرَ وَقَدَّرَ * فَقُتِلَ كَيْفَ قَدَّرَ”: وہ بیٹھ کر سوچتے ہیں [کہ کیا کریں]۔ یہ انہیں برداشت نہیں ہے۔ یہ ان سے متعلق ہے۔
البتہ ماضی میں جب اس طرح کا کوئی فتنہ—جو کہ ہمارے ہاں متعدد فتنے گزرے ہیں—ملک میں برپا ہوتا تھا، تو عموماً امریکی اخبار نویس، دوسرے درجے کے سیاستدان یا یورپی ممالک مداخلت کرتے تھے؛ اس فتنے میں یہ خصوصیت تھی کہ خود امریکی صدر نے اس فتنے میں مداخلت کی، بات کی، اظہار خیال کیا، دھمکی دی، فتنہ گروں کی حوصلہ افزائی کی؛ امریکہ سے ان لوگوں کو پیغام دیا جو اب میں بتاؤں گا کون تھے، کہ آگے بڑھو، ڈرو مت؛ کہا کہ ہم آپ کی حمایت کریں گے، فوجی حمایت کریں گے؛ یعنی خود امریکی صدر فتنے میں شامل ہوا اور فتنے کا حصہ بن گیا۔ کچھ لوگوں نے، ان افراد کے مجموعے نے جو توڑ پھوڑ، آگ زنی اور خلاف ورزیوں میں ملوث تھے اور لوگوں کو مارا، انہیں ایرانی قوم کے طور پر متعارف کرایا؛ یعنی ایرانی قوم پر بہت بڑا الزام لگایا؛ کہا کہ یہ ایرانی قوم ہیں اور میں ایرانی قوم کا دفاع کرنا چاہتا ہوں۔ یہ جرم ہے۔ یہ دلائل جو میں نے پیش کیے، مستند دلائل ہیں، یعنی کوئی چیز پوشیدہ نہیں ہے؛ کھلے عام کہا، کھلے عام بات کی، کھلے عام حوصلہ افزائی کی۔ اس کے پیچھے ہمارے پاس مستندات ہیں کہ انہوں نے مدد کی؛ انہوں نے بھی، اور صیہونی حکومت نے بھی مدد کی، جس کا میں مختصراً ذکر کروں گا۔ ہم امریکی صدر کو مجرم سمجھتے ہیں؛ جانی نقصان کی وجہ سے بھی، نقصانات کی وجہ سے بھی، اور ایرانی قوم پر جو الزام لگایا اس کی وجہ سے بھی۔
فتنے کے عوامل
دوسری بات فتنہ کے عوامل اور میدان میں موجود لوگوں کے بارے میں ہے۔ یہ کون تھے؟ یہ دو گروہ تھے: ایک گروہ، امریکی اور اسرائیلی جاسوسی اداروں نے ان کا بڑی احتیاط سے انتخاب کیا تھا، انہیں ڈھونڈ نکالا تھا، زیادہ تر کو باہر لے گئے تھے، کچھ کو یہیں تربیت دی تھی کہ کیسے حرکت کرنی ہے، کیسے آگ لگانی ہے، کیسے خوف پیدا کرنا ہے، کیسے پولیس سے بچنا ہے؛ انہیں کافی پیسہ بھی دیا گیا تھا۔ یہ لوگ جو اس جمعیت کے سرغنہ تھے، وہ خود کو لیڈر کہتے ہیں؛ “ہم اس گروہ کے لیڈر ہیں”؛ سردستے؛ یہ ان میں سے ایک گروہ تھے۔ الحمدللہ ان میں سے بہت سے گرفتار ہوئے، پکڑے گئے۔ فوجی، انتظامی اور سکیورٹی فورسز نے اس سلسلے میں اچھا کام کیا۔ ان مجرم اور خبیث عناصر میں سے بہت سے—یہ مجرم ہیں—گرفتار ہو گئے۔
دوسرا گروہ، جن کا صیہونی حکومت اور فلاں جاسوسی ادارے سے کوئی تعلق نہیں تھا، وہ نادان نوعمر تھے جن سے بات کی گئی، وہ متاثر ہوئے، ان میں جوش پیدا کیا گیا؛ نوجوان جذباتی ہوتے ہیں، نوعمر بھی جذباتی ہوتے ہیں، وہ میدان میں آتے ہیں، ایسے کام کرتے ہیں جو انہیں نہیں کرنے چاہیے، ایسی شرارتیں کرتے ہیں جو نہیں کرنی چاہئیں تھیں۔ یہ پیادہ فوج تھے؛ ان کا مشن یہ تھا کہ وہ کسی جگہ پر حملہ کریں: چوکی پر، گھر پر، دفتر پر، بینک پر، صنعتی مرکز پر، بجلی کے مرکز پر؛ یہ ان کا مشن تھا۔ ان کا سردست اس گروہ کو جمع کرتا ہے، ہر ایک دس، بیس، پچاس لوگوں کو جمع کرتا ہے، انہیں ہدایت کرتا ہے کہ “آپ کو یہاں جانا ہے، یہ کام کرنا ہے اور جرم کرنا ہے”؛ اور بدقسمتی سے وہ کرتے ہیں۔ بہت سے جرائم ہوئے۔ اس فتنے میں، یہی نادان اور ناآگاہ عناصر خبیث اور تربیت یافتہ عناصر کی سرکردگی میں، برے کام کرتے رہے، بڑے جرائم کیے۔ انہوں نے 250 مساجد کو تباہ کیا؛ 250 سے زیادہ تعلیمی اور علمی مراکز کو تباہ کیا، ختم کر دیا۔ بجلی کے شعبے کو نقصان پہنچایا؛ بینکوں کو نقصان پہنچایا؛ طبی مراکز کو نقصان پہنچایا؛ ان دکانوں کو نقصان پہنچایا جہاں لوگوں کا اناج ہوتا تھا۔ انہوں نے لوگوں کو نقصان پہنچایا۔ ان لوگوں نے ہزاروں افراد کو قتل کیا؛ کچھ کو غیر انسانی شدت کے ساتھ، یعنی مکمل وحشیانہ طریقے سے قتل کیا۔ وہ ایک مسجد پر حملہ کرتے ہیں، چند نوجوان دفاع کے لیے مسجد کے اندر جاتے ہیں، مسجد کا دروازہ اندر سے بند کرتے ہیں، مسجد میں آگ لگاتے ہیں، مسجد اور وہ چند نوجوان آگ میں جل جاتے ہیں! میں اب عرض کروں گا کہ یہ خود ایک منصوبہ تھا، کام کی یہ تمام تفصیلات ایک پہلے سے تیار شدہ عمومی منصوبے کا حصہ تھیں، جنہیں اس طرح عمل کرنے اور حرکت کرنے کے لیے تیار کیا گیا تھا۔ انہوں نے کچھ عام لوگوں، بے گناہ لوگوں، تین سالہ بچی (6)، مردوں، بے دفاع اور بے گناہ خواتین کو قتل کیا۔ ان کے پاس اسلحہ تھا؛ گرم اسلحہ بھی تھا، اور ٹھنڈا اسلحہ بھی تھا۔ انہیں دیا گیا تھا۔ یہ اسلحہ باہر سے آیا تھا؛ یہ اسی لیے آیا تھا کہ فتنہ انگیز عناصر میں تقسیم ہو اور یہ جرائم واقع ہوں۔ تو، یہ فتنے کے عوامل تھے؛ فتنے کے عوامل یہی لوگ تھے۔
البتہ ایرانی قوم نے فتنے کی کمر توڑ دی۔ 22 دی (7) کو ایرانی قوم کے لاکھوں کے ہجوم کے ساتھ، 22 دی بھی 22 بہمن کی طرح ایک تاریخی دن بن گیا۔ یعنی 22 دی ایرانی قوم نے بنایا اور اپنے اعزازات میں ایک اور اعزاز کا اضافہ کیا۔ 22 دی کے دن، ایرانی قوم تہران میں لاکھوں کے ہجوم اور مختلف شہروں میں بہت زیادہ ہجوم کے ساتھ، دعویٰ کرنے والوں کے منہ پر زوردار تھپڑ مارنے میں کامیاب ہوئی۔ الحمدللہ انہوں نے یہ کام کیا، فتنے کو خاموش کر دیا۔ [یہ] ایرانی قوم کا کام ہے۔
البتہ دنیا میں صیہونیوں سے وابستہ میڈیا میں—جو زیادہ تر خبر رساں ایجنسیاں صیہونیوں کی ہیں—دنیا میں، انہوں نے فتنہ گروں کی قلیل تعداد کو بڑا چڑھا کر پیش کیا، اور کہا کہ یہ ایرانی قوم ہیں؛ [لیکن] تہران اور دیگر شہروں میں لوگوں کے اس عظیم ہجوم کا بعض نے ذکر ہی نہیں کیا، بعض نے کہا چند ہزار لوگ! ان کی عادت یہی ہے، انہیں ایسا کرنا چاہیے۔ کوئی بات نہیں ہے۔ حقیقت اس کے برعکس ہے؛ حقیقت یہی ہے جو آپ اپنی آنکھوں سے دیکھ رہے ہیں، اپنے شہر میں یا تہران میں مشاہدہ کر رہے ہیں۔
لیکن ہمارا رویہ کا مسئلہ۔ خیر، ایرانی قوم نے امریکہ کو شکست دی۔ امریکیوں نے بہت سی تمہیدات کے ساتھ یہ فتنہ بڑے مقاصد کے لیے شروع کیا تھا جن کا میں پہلے ذکر کر چکا ہوں؛ یہ فتنہ بڑے کاموں کی تمہید تھا۔ ایرانی قوم نے [امریکہ کو] شکست دی۔ چند مہینے پہلے جو چند روزہ جنگ ہوئی تھی، وہاں بھی ایرانی قوم نے امریکہ اور صیہون کو شکست دی تھی، آج بھی امریکہ کو خدا کے فضل سے شکست دی۔ یہ ٹھیک ہے، لیکن کافی نہیں ہے۔ ہاں، فتنے کو بجھا دیا، لیکن یہ کافی نہیں ہے؛ امریکہ کو جوابدہ ہونا چاہیے۔ ہمارے مختلف ادارے، وزارت خارجہ اور دیگر مختلف ادارے، اس کام سے متعلق ادارے، اس معاملے کا پیچھا کریں۔ ہم ملک کو جنگ کی طرف نہیں لے جاتے۔ ہمارا ارادہ ملک کو جنگ کی طرف لے جانے کا نہیں ہے، لیکن ہم اندرونی مجرموں کو بھی نہیں چھوڑیں گے۔ اندرونی مجرموں سے بھی بدتر بین الاقوامی مجرم ہیں۔ ہم انہیں بھی نہیں چھوڑیں گے۔ ان کے اپنے طریقوں سے، درست طریقے سے اس کام کو جاری رکھا جانا چاہیے، اس کا تعاقب کیا جانا چاہیے اور اللہ کی توفیق سے جیسا کہ ایرانی قوم نے فتنے کی کمر توڑی، ویسا ہی فتنہ گروں کی کمر بھی توڑنی چاہیے۔
میرا آخری نکتہ۔ اس واقعے میں، اس امریکی اور صیہونی فتنے کے خلاف مقابلے میں، انتظامیہ، سکیورٹی اور بسیج کے ذمہ داروں نے واقعی جانثاری کا مظاہرہ کیا، واقعی جانثاری کی۔ رات دن ایک کر دیا، یہاں تک کہ اس فتنے کو، جو دشمن کی طرف سے بہت ساری تمہیدات اور بہت زیادہ خرچ کے ساتھ پیدا کیا گیا تھا، مکمل طور پر ختم کر دیا اور نیست و نابود کر دیا۔ ملک کے ذمہ داروں نے بھی سب نے تعاون کیا۔ ایرانی قوم نے بھی آخری فیصلہ کیا اور قاطعیت سے معاملے کو ختم کر دیا۔ لیکن اتحاد کے ساتھ۔ میں ہمیشہ کی نصیحت کرنا چاہتا ہوں: اوّلاً عوام کے درمیان اتحاد برقرار رکھا جائے؛ گروہی، سیاسی اور نظریاتی جھگڑے عوام میں رائج نہ ہوں۔ ایک دوسرے کے ساتھ متحد رہیں؛ اسلامی نظام کے دفاع میں، عزیز ایران کے دفاع میں، سب ایک ساتھ رہیں، ایک دوسرے کے ساتھ رہیں۔
ذمہ داران بھی—مختلف شعبوں کے متعلقہ ذمہ داران بھی—واقعی کام کر گئے۔ محترم صدر (8)، اور دیگر ملکی سربراہان نے سرگرمی دکھائی؛ میدان میں تھے اور کام کیا۔ ایسا نہ ہو کہ چونکہ مجھے دوسرے کے کام کی خبر نہیں ہے، تو میں مسلسل تنقید کرتا رہوں کہ جناب یہ کیوں کیا اور وہ کیوں ہے؛ نہیں، سب نے کام کیا۔ میں شدید طور پر منع کرتا ہوں اور روکتا ہوں ان لوگوں کو جو ملکی سربراہان، صدر اور دیگر کو ایک ایسے اہم بین الاقوامی اور داخلی حالات میں ہتک کرتے ہیں؛ چاہے وہ پارلیمنٹ میں ہوں، چاہے پارلیمنٹ کے باہر ہوں، چاہے کہیں بھی ہوں۔ ہمیں ان کی قدر کرنی چاہیے؛ ان ذمہ داروں کی قدر کرنی چاہیے جو جب ملک پر کوئی ایسا واقعہ آتا ہے تو عوام سے کنارہ کش نہیں ہوتے۔ ماضی میں ہم نے دیکھا ہے کہ عوام میدان میں تھے اور ذمہ دار تماشہ دیکھ رہے تھے، کبھی کبھی عوام کے خلاف کوئی بات بھی کر دیتے تھے۔ اس دفعہ، نہیں، ذمہ دار عوام کے ساتھ تھے، عوام کے درمیان تھے، عوام کے ساتھ حرکت کی، اسی ہدف کے ساتھ کوشش کی، کام کیا۔ اس کی قدردانی ہونی چاہیے؛ یہ بہت اہم ہے۔ میری پرزور نصیحت صدر اور دیگر قوا کے سربراہان، دیگر سربراہان اور فعال ملکی سربراہان کے بارے میں یہ ہے کہ انہیں اپنا کام کرنے دیں، اپنی کوششیں کرنے دیں اور جو بڑی خدمت ان کے ذمے ہے اسے انجام دینے دیں۔
البتہ معاشی حالات اچھے نہیں ہیں۔ عوام کی زندگی واقعی مشکل میں ہے۔ میں یہ جانتا ہوں۔ انہیں بھی ان شعبوں میں دوگنا کام کرنا چاہیے۔ بنیادی اشیاء، جانوروں کی خوراک، ضروری اناج، عوام کی عمومی ضروریات کے لیے، سرکاری ذمہ داروں کو ہمیشہ سے دوگنا کام کرنا چاہیے؛ زیادہ شدت سے کام کرنا چاہیے؛ اس میں کوئی شک نہیں۔ ان کی بھی ذمہ داریاں ہیں، اور ہماری، عوام کی بھی ذمہ داریاں ہیں۔ اگر ہم اپنی ذمہ داریاں پوری کریں گے، تو اللہ تعالی ہمارے کام میں برکت دے گا۔ اے پروردگار! یہ برکت ہمارے کام میں شامل فرما۔[1]