علی الخنیزی
علی الخنیزیسعودی عرب کی عظیم شخصیات میں سے ایک، قطیف کے علاقے میں علمی نشاۃ ثانیہ کے بانی، اسلامی مصلح اور تفریب بین المذاہب الاسلامی کے حامی اور داعیوں میں ایک تھے۔
پیدائش
شیخ علی ابو الحسن بن حسن بن مہدی بن کاظم بن علی الخنیزی سنہ 1291 ہجری میں قطیف میں پیدا ہوئے۔
تعلیم
انہوں نے مقدماتی تعلیم محمد علي النهّاش، عبد اللہ آل نصر اللَّه،منصور الجشّي اور محمّد علي آل عبد الجبّار سے حاصل کیا۔ 1314 ہجری میں حوزہ علمیہ نجف الاشرف عراق کا رخ کیا اور اس حوزہ ڈگری حاصل کی۔ آپ نے درس خارج کے مختلف کلاسوں میں شرکت کی اور نجف اشرف کےا نامور مجتہدین اور اساتذہ سے کسب فیض کیا اور اجتہاد کے درجہ پر پنہچ گئے۔ اس حوزہ سے مختلف دینی علوم حاصل کرنے کے بعد 1329 ہجری میں وطن واپس آئے اور درس و تدریس، قضاوت اور تبلیغ دین میں مشغول ہوگئے۔
اساتذہ
- شيخ ہادی ہمدانی،
- شيخ محمد طه نجف،
- سيد أبو تراب عبد العلی خوانساری،
- شيخ فتح اللَّه اصفهانی،
- شيخ الشريعة،
- شيخ محمّد كاظم خراسانی.
شاگرد
- شيخ علی الجشی،
- شيخ محمد علی الجشی،
- شيخ منصور آل سيف.
اتحاد کے بارے ان کی کتاب
ان کی 949صفحات پر مشتمل ایک کتاب تھی جس کو دو جلدوں میں دار الفکر نے بیروت سے 1376ھ/1956ء میں شائع کیا تھا، جس میں وحدت اسلامی کے ان کے نظریہ کا اندازہ لگا سکتا ہے۔ کتاب کے پہلے صفحہ پر انہوں نے کہا ہے کہ یہ ایک ایسا وسیلہ ہے جو نفرت انگیز فرقہ واریت اور اس کی منہدم بنیادوں کو تباہ کرتا ہے اور اتحاد اور ہم آہنگی کی دعوت دیتا ہے، ایک ایسی دعوت جس کی نمائندگی آیت کریمہ میں کی گئی ہے:"دْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ"۔
یہ کتاب شیخ الخنیزی کے تالیفات میں سے آخری تالیف ہے جس کے مکمل ہونے کے بعد ان کا جلد ہی انتقال ہو گیا، گویا یہ ان کی امت اور قوم کے لیے آخری وصیت ہے۔ جن لوگوں نے اس کتاب کا مطالعہ کیا، جن میں محققین جیسے کہ آیت اللہ سید مرتضیٰ عسکری اور دیگران شامل ہیں، ان کی رائے تھی کہ یہ کتاب اختلافی مسائل پر مکالمے اور بحث و مباحثہ کی مضبوط ترین کتابوں میں سے ایک ہے اور اس میں مصنف نے اپنے مدعی کو بیان دلیل کے ساتھ بیان کیا گیا ہے۔
شیخ محمد جواد مغنیہ نے اس کتاب پر تقریظ لکھتے ہوئے کہتے ہیں:" ہمیں اس میں سچائی، سکون، خلوص، عدل و انصاف اور دوسری خوبیاں ملتی ہیں، جو ایک قابل عالم اور بڑے محنتی شخص سے ظاہر ہوتی ہیں۔
وفات
سنہ 1363 ہجری میں قطیف میں دل کا دورہ پڑنے سے وفات پائی۔
علمی آثار
- روضة المسائل فی إثبات أُصول الدين بالدلائل،
- قبسة العجلان فی معنى الكفر والإيمان،
- مقدمة فی أُصول الدين،
- دلائل الأحكام فی شرح شرائع الإسلام،
- المناظرات الكمالية،
- صراع الحقّ،
- الخلسة من الزمن في التسامح في أدلّة السنن،
- المنهج فی الحجّ والعمرة،
- طريق النجاة،
- الرسالة الشكّية،
- لسان الصدق،
- الرضاعية،
- رسالة فی عدّة الحامل المتوفّى عنها زوجها.
- الدعوة الإسلامية إلى وحدة أهل السنّة والإمامية
وحدت اسلامی کے حوالے سے ان کا نظریہ
اسلامی اتحاد کے بارے میں شیخ الخنازی کا طریقہ کار درج ذیل نکات میں بیان کیا گیا ہے:
- دوسروں کے ساتھ رواداری، خواہ آپ ان سے متفق نہ ہوں۔
- مکالمہ اور گفتگو، مسائل کو حل کرنے کا صحیح طریقہ ہے، اور یہ دوسرے کو پہچاننے اور ساتھ رہنے کا طریقہ ہے۔
- جہاں بھی جائے دلیل کے ساتھ جانا، جہاں ٹھہر جائے دلیل اور برہان پر قائم رہنا، مضبوط دلیل پر قائم رہنا، اور مصلحت، جذبات یا عصبیت پر بھروسہ نہ کرنا۔
- اتحاد کے حصول کے لیے فرقہ وارانہ تفریق کو ختم کرنا ہوگا اور متحد کرنے والا مذہب ہی حقیقی اسلام ہے، کیونکہ اسی کے ذریعے تمام مسلمانوں کو ایک دوسرے سے جوڑنے کی قوت حاصل ہوتی ہے۔
- کسی بھی تاریخی، نظریاتی یا سماجی جنون سے آزادی اور اسلامی رہنمائی کی روشنی میں انصاف اور معیشت کا راستہ اختیار کرنا۔