سید صفدرحسین نجفی
| سید صفدرحسین نجفی | |
|---|---|
 | |
| پورا نام | سید صفدرحسین نجفی |
| دوسرے نام | سید صفدر حسین نقوی نجفی |
| ذاتی معلومات | |
| پیدائش کی جگہ | علیپور،پاکستان |
| وفات کی جگہ | لاہور،، پاکستان |
| مذہب | اسلام، شیعہ |
| مناصب |
|
سید صفدر حسین نجفی 1932 میں پاکستان کے صوبہ پنجاب کے ضلع مظفر گڑھ کی تحصیل علی پور میں پیدا ہوئے۔ وہ سید غلام سرور نقوی کے فرزند ہیں جن کا تعلق نقوی سید خاندان سے ہے۔ وہ سید جلال الدین سرخپوش بخاری سے تعلق رکھتے تھے، جو امام علی نقی علیہ السلام کی ایک شاخ سے تھے.
سوانح حیات
سید صفدر حسین نجفی نے دینی علوم کے حصول کا آغاز سات سال کی عمر میں حوزہ علمیہ ملتان سے کیا۔ جہاں آپ کے چچا، نامور عالم دین سید محمد یار شاہ نقوی نجفی سے کسب فیض کرنے کے علاوہ مختلف دینی مدارس سے بھی آپ نے استفادہ کیا جن میں مدرسہ خانیوال اور مدرسہ باب العلوم کے علاوہ ملتان میں اہل سنت کا ایک مدرسہ بھی شامل ہے۔ سنہ 1947ء سے 1950ء تک درسِ نظامی کیلئے مدرسہ صادقیہ خانپور مظفر گڑھ، مدرسہ خان گڑھ اور مدرسہ باب النجف جاڑا، ڈی آئی خان میں تعلیم حاصل کرتے رہے۔ سنہ 1950ء کو آپ اعلی تعلیم کے حصول کے لئے نجف اشرف چلے گئے [1]۔