یوم القدس اہم کیوں؟(نوٹس اور تجزیے) کا مسودہ

[[فائل:یوم القدس عالمی.webp|تصغیر|بائیں|]]
'''یوم القدس اہم کیوں؟'''یہ مقالہ [[یوم القدس]] کی مناسبت سے قارئین کی خدمت میں پیش کیا جا رہا ہے جس کو جناب مظہر برلاس نے یوم القدس کی مناسبت سے لکھا تھا۔ اسلام آباد میں قائم [[ایران|ایرانی]] سفارت خانے کی جانب سے بدھ کے روز ایک بڑے ہوٹل میں افطار ڈنر کا اہتمام کیا گیا، دراصل یہ تقریب یوم القدس کے حوالے سے تھی، ایرانی سفارت خانے کا مقصد یہ تھا کہ یوم القدس کی اہمیت کو اجاگر کیا جائے۔ ویسے تو آپ سب کو پتہ ہے کہ یوم القدس کا آغاز [[سید روح اللہ موسوی خمینی|امام خمینی]] نے کیا تھا، اس روایت کو پوری امت مسلمہ نبھاتی ہے مگر اس میں کوئی شک نہیں کہ ایرانی بڑھ چڑھ کر اہتمام کرتے ہیں۔ 
== مقررین ==
یوم القدس کے حوالے سے منعقدہ تقریب سے پیر حیدر علی شاہ، جمعیت اہل حدیث کے سربراہ سید ضیاء بخاری، [[مجلس وحدت المسلمین پاکستان|ایم ڈبلیو ایم]] کے سربراہ [[راجہ ناصر عباس جعفری|علامہ راجہ ناصر عباس]]، سینیٹر [[مشاہد حسین سید]]، سابق وفاقی وزیر پیر [[نور الحق قادری]]، ممتاز [[پاکستان مسلم لیگ نواز|مسلم لیگی]] رہنما راجہ ظفر الحق، [[جماعت اسلامی پاکستان|جماعت اسلامی]] کےرہنما [[لیاقت بلوچ]]، سابق چیئرمین سینیٹ سید نیئر حسین بخاری، ممتاز مذہبی اسکالر طیبہ بخاری، سابق وفاقی وزیر علی محمد خان اور [[اسلامی نظریاتی کونسل پاکستان|اسلامی نظریاتی کونسل]] کے رکن، ممتاز عالم دین [[سید افتخار حسین نقوی|علامہ سید افتخار حسین نقوی]] نے خطاب کیا۔ 

ان تقاریر میں مسئلہ فلسطین کے حوالے سے بھرپور گفتگو کی گئی اور [[غزہ]] میں جدو جہد کرنے والے [[ اسلام|عالم اسلام]] کے عظیم سپوتوں کی جرات کو سلام پیش کیا گیا۔ سب سے جاندار تقریر علی محمد خان نے کی، انہوں نے اپنی قومی اسمبلی میں کی گئی تقریر کی یاد دلا دی، ان کی تقریر پر ہال تالیوں سے گونجتا رہا۔ اس تقریب میں سابق وفاقی وزیر اعجاز الحق، شہر یار آفریدی، زمرد خان، اجمل وزیر، اخوند زادہ حسین، [[ گلزار نعیمی|مفتی گلزار نعیمی]]، مظاہر شگری سمیت دانشوروں اور اکابر کی بڑی تعداد نے شرکت کی۔ 
== ایرانی سفیر کا خطاب ==
تقریب سے خطاب کرتے ہوئے ایرانی سفیر رضا امیری مقدم نے کہا کہ’’میں عالمی یوم القدس کی مناسبت سے منعقدہ اس اجتماع میں آپ کی شرکت پر دلی تشکر پیش کرتا ہوں، [[فلسطین|فلسطینی]] عوام سے یکجہتی کے اظہار کیلئے امام خمینی نے [[رمضان |رمضان المبارک]] کے آخری جمعہ کو عالمی یوم القدس کے طور پر منانے کا اعلان کیا، تب سے ہر سال یہ دن دنیا بھر میں نہ صرف منایا جاتا ہے بلکہ اس کی اہمیت میں مسلسل اضافہ ہو رہا ہے، یہ دن امت مسلمہ کے اتحاد کی علامت بن چکا ہے، جس میں دنیا کے تمام حریت پسند اور انصاف پرور افراد فلسطینی عوام کی حمایت کا عہد دہراتے ہیں۔ 

7 اکتوبر 2023ء کے بعد سے ہمیں دو اہم حقائق کا سامنا ہے ایک طرف صہیونی جارحیت اور فلسطینی عوام کی نسل کشی ہے جو مغربی طاقتوں اور امریکہ کی مکمل پشت پناہی کے ساتھ جاری ہے، دوسری طرف [[حماس]] کی مزاحمت ہے جو خاص طور پر جنگ بندی اور قیدیوں کے تبادلے کے بعد اپنی گہری بنیادوں اور ناقابل تسخیر قوت کا مظاہرہ کر چکی ہے، وہی اسرائیلی اتحاد جو کبھی حماس کو ختم کرنے کی بات کرتا تھا، آج اس کے ساتھ براہ راست مذاکرات پر مجبور ہو چکا ہے۔ 

بطور سفیر مجھے فخر اور اعزاز حاصل ہے کہ [[ایران|اسلامی جمہوریہ ایران]] نے ہمیشہ فلسطینی کاز اور غزہ کے مظلوم عوام کے ساتھ بھرپور اور غیر متزلزل یکجہتی کا مظاہرہ کیا ہے، اللہ تعالیٰ کے فضل و کرم سے ہم اس راہ پر [[بیت المقدس|القدس الشریف]] کی مکمل آزادی تک ثابت قدم رہیں گے۔ چند حکومتوں کی خاموشی، بے عملی اور مصلحت پسندی کے باوجود دنیا بھر میں اسرائیلی ریاست کی وحشیانہ نسل کشی کے خلاف شعور بیدار ہو رہا ہے اور اس کے حامیوں کو انسانی ضمیر کے کٹہرے میں کھڑا کیا جا رہا ہے۔ 

بدقسمتی سے کئی ممالک اب بھی سازگار خاموشی اختیار کیے ہوئے ہیں، جسکے نتیجے میں [[لبنان]] سے [[یمن]] تک امت مسلمہ مصائب اور مشکلات کا شکار ہے۔ پاکستانی حکومت اور عوام نے جس جذبے، جرات اور اصولی موقف کے ساتھ فلسطینی کاز کا دفاع کیا ہے، وہ قابل تحسین ہے۔ [[پاکستان]] کے میڈیا اور بااثر شخصیات نے بھی عالمی سطح پر اس ظلم کے خلاف شعور اجاگر کرنے میں اہم کردار ادا کیا ہے۔ 

میں اس موقع پر پاکستانی حکومت اور عوام کا دلی شکریہ ادا کرتا ہوں کہ انہوں نے فلسطینی عوام کے حق میں مضبوط اور غیر متزلزل مؤقف اپنایا۔میں عالمی یوم القدس کے موقع پر میں زور دیتا ہوں کہ امت مسلمہ کا اتحاد اور یکجہتی ہی صہیونی جارحیت اور غاصبانہ قبضے کے خلاف کامیابی کی کلید ہے۔ اس جمعہ کے روز دنیا بھر کے مسلمانوں کو چاہیے کہ وہ فلسطینی عوام اور غزہ کے مظلوموں کے حق میں اپنی آواز بلند کریں۔ 

آخر میں میں ایک بار پھر آپ سب کا شکریہ ادا کرتا ہوں کہ آپ نے اس بامقصد اجتماع میں شرکت کی۔ آئیے! ان بابرکت لمحات میں دعا کریں کہ اللہ تعالیٰ تمام مظلوم [[مسلمان|مسلمانوں]] کو ظالموں کے تسلط سے نجات عطا فرمائے اور القدس الشریف کو جلد از جلد آزاد فرمائے‘‘۔

تقریب کے اختتامی لمحات میں علامہ افتخار حسین نقوی نے [[حدیث|احادیث]] کی روشنی میں القدس پر روشنی ڈالی اور القدس کی آزادی کیلئے دعا کی۔ ایک طرف فلسطینیوں پر موت، بم بن کر گر رہی ہے تو دوسری طرف فلسطینیوں سے محبت کرنا استعماری طاقتوں کے نزدیک جرم ہے۔ اس پر اسلم گورداسپوری کا شعر یاد آتا ہے کہ

اس سرزمیں کے ساتھ محبت کے جرم میں

جو عاشقوں کے ساتھ ہوا کچھ نہ پوچھیے<ref>[https://urdu.geo.tv/latest/399882- مظہر برلاس، یوم القدس اہم کیوں؟]-28 مارچ 2025ء- اخذ شدہ بہ تاریخ: 29 مارچ 2025ء۔</ref>۔
== حوالہ جات ==
{{حوالہ جات}}
[[زمره:نوٹس اور تجزیے]]